Versículos bíblicos populares de Mataio 5

Compartir

Karu lamepa la elōela sa kaupi vipai vei a mopai sore, a—, lamepa ve posa kofa voa vipai vei, aea are uvi karu foromai ve ovava lōri leiti roi. Soka eve ovava karu foromai ve soso voa lōri haeaia; ipi ere eve leita mai lareva la ofae eovi, eve kauri voa peita Oa la maeati vei.

Mearovaeka karu ve ovava e reha. Raepa ovoharo voa turi avaita karikara arorisaita ore kao.

Haiiri sirisiri auke karu ere ta lareva ia, ipi ere Ualare la ofae eavai roi.

Mai haura vei eroa sa’ aea kōvōre‐tolo lei roroaita karu ere ta lareva ia, ipi ere ére popai roi.

A—, ara ero o la moi, Ave ote karu la haikakare lei vovo meava, aea aro hasiavai vei aitetai vo meita lea karu vei ta Ualare la loki leitia.

Haiiri‐ipi karu, ere ta lareva ia, ipi kauri ve basileia ereve.

Karu la lei omopa totoea vo roroaita karu lareva ia, ipi ere rare Ualare ve atutemori rare aravai roi.

Haiiri fi ita roroaita karu ere ta lareva ia, ipi Ualare sa erero vovoro leiti roi.

Mai haura vei karu sa hasiavaita lea karu ere ta lareva ia, ipi kauri ve basileia ereve.

Haiiri maeaforoe lei vovo roroaita karu ere ta lareva ia, ipi Ualare sa erero maeaforoe ta leiti roi.

Arave rare vei karu o maeamariti ero ari oria, aea ero hasiavai vei aitetai oria, aea havara apeva ero paraeai oria, lea mea e lareva ia. Haimeta leitia, hailareva foromai leitia, ipi eve kauri voa eaeipeta tava rovaea kofa; ipi ere eve soa ve omopa karu, lea peroveta karu ta lōfeare leiape.

Haimafu ita roroaita karu ere ta lareva ia, ipi ere mearovaeka la ovai roi.

Mearovaeka karu ve sōlo e reha. A—, sōlo ve peroro veverapait’ oria, arero ata lei lareva leita otiharo kasirau. Are eite kao; karu sa arero au mutapaitore, karu ve mora sa patai vei.

Soka eo, e mai lareva lareva‐eite kofa la lei vovo roroava, eve kauri Oa sa mai lareva lareva‐eite kofa la lei vovo meita lōfeare.

A arita o mō aria, A, a, aea kao, kao. Lea o la topiaraita o Kaiae Vita voa forera vovea.

Evera moipe mea o e malasa lei roroa, Ofae ve tava ofae, tao ve tava tao. A—, ara ero o la moi, Aro hasiavaita karu la levi sukavuteaia; a—, aro heva toare voa toaita lea vita, heva itai ta eakoa arero muiaia.

Ave ofae toare sa aro lei kaiae leitit’ oria, arero suka fareōvi mutapaia; ipi maea voa etau farakeka veverapaita lea lareva ia, a—, ave maea foromai la Gehena voa mutapaita, lea foromai maealolo kofa. Aea ave mai toare sa aro lei kaiae leitit’ oria, arero sarapi mutapaia, ipi maea voa mopi fofoeaita etau farakeka veverapaita lea lareva ia, a—, ave maea foromai Gehena voa mutapaita lea foromai maealolo kofa.