Versículos bíblicos populares de Matiə 6

Compartir

Sɩ caca thɩ̃ɛ nɩ ka na ƴaalɛ ɓo Thãgbaa fãgadaar do na ɔɔ fɩl sar, sɩ gelesɔɔlerarakɛ fɛʋ Thãgba na ha nɛr a na ɓaan.

Dɩ gɛr gɩ na‐n ha na dɛna cʋɔdaa ga, gɩdonɩ cʋɔɔ thɛthɛrakɛ n dɛnanɛ ɔɔbara. Na‐n bãbanɛ na nĩkɛɛ nɩ, gɩ daan.

Gɛr gɩ dɩ ɩ̃ so nar: Na‐n too na dɛna anɩ yi gɩrɛraakɛ na khonɩ na‐n yɔna ga, dɩ anɩ tomɩda gɩ gɩrɛraakɛ na tonaˈ. Yire na ba dɩkoraa? Dɩ tomɩr na ba kɩ̃kɩɩnaa?

Sɩ fɛrɛ, ɔbɔɔkɛ fɩ‐n bɩɛlnɩ Thãgba, lona afɩ du bɩnɔ a khaanɛ loo, sa bɩɛlnɛ afɩ Thɩɩkɛ hanɩ ka keranɩ; dɩ afɩ Thɩɩkɛra n yɛnɩ gɩrɛ keranɩ, ɔr na ka fɩ.

Dɩ gɛr gɩ nɩ bɩɛlnɛ thakɛ: Asɩ Thɩɩkɛ hanɩle ƴũ, dɔ afɩ i n dʋbɩrɔ; dɔ afɩ fãgadaar do n ɩ̃; dɔ afɩ tuur na‐n cʋʋ kɛ thɩɩra, mɔ̃ gɩ‐n cʋʋnɩ Thãgbaa dʋɔ.

Hana sɩ nĩ dɩkorɩkɛ na dana sɩnɩ.

Faa asɩ puukɛ sɩ‐n cʋʋnɩ na hana sɩ, mɔ̃ sɛrɛ dakha n faanɩ ɩkhasɔɔ puukɛ wɩ‐n cʋʋ sarnɩ dɩ sa‐n ha wɩ.

Fa‐n faa sɩ fifiləle n puno saˈ, sɩ na taa sɩ puu cʋʋ hɩ̃daarɩ nyɔ̃kɔɔ. [ Gɩdonɩ fɛr hɩna nũfiire, na punone, na i dʋbɩrɛ bɔɔ fɛʋ waa khorr. Amɛn.]

Dɩ ado nɩ‐n faarɛ sopugookɛ tɩbɩla n cʋʋ narnɩ dɩ na‐n ha wɩ, anɩ Thɩɩkɛ hanɩ ƴũ a na faarɛ anɩ sopugo dakha a na‐n ha nɩ.

Nɩ hɩnɛ mɔ̃kɛ ˈlominə jɩɛra hanɩ. Wa‐n diirəˈ, wa‐n kha ga, wa‐n hana thɩ̃ɛ a ur thʋnɛna ga, sɩ anɩ Thɩɩkɛ hanɩ ƴũ, ɔr n haanɛ wɩ. Anɩ the nɔ ga khɩɩr a jɔ wɛr fĩiəə?

Na‐n khɩɩ lẽle thɩ̃ɛ a thɩɩn kɛ thɩɩra, ka ɔphãkerẽsɔ na dʋʋn na kʋɛ gɩnaˈ, na ka yo na cɩnɩ na cu sɩ na lõ na yuəˈ. Sɩ na‐n khɩa lẽle thɩ̃ɛ a na thɩnɛ Thãgbaa dʋɔ, kãkɛ ɔphãkerẽsɔ na dʋʋn na kʋɛ gɩnaˈ, dɩ yo wɛ a na cɩ na cu sɩ na lõ na yuəˈ. Gɩdonɩ kãkɛ afɩ lẽle thɩ̃sɔ hanɩ, le afɩ ha na ha dakha.

Tibil bɩɛllakɛ na puno na do thɔma kɔ̃tɩna yenyɔra ga, foo a na laarɛ bɩɛl sɩ a na na bɩɛl, agɩbo a na mar kha na bɩɛl sɩ a hɛbɩ bɩɛl. Na puno na do thɔma Thãgbara nakha lẽle thɩ̃aˈ.

Dɩ ado Thãgba na to hʋɔnɩkɛ hanɩle hʋɔnɔ nĩ dɩɩ ha thaa, sɩɩ do cʋɔ wa to garɛ dɔɔ, a na ka na cʋʋ mɛ̃ dakha nɛrɛraakɛ kanɩ hana ha pɛrɛ gbəə?

Sɩ fɛrɛ, ado fɩ‐n har bɔdara thɩ̃ɛ, fa‐n dorakɛ afɩ nyɔ̃bɩlã n jɩ gɩrɛɛkɛ afɩ nyɔ̃bɔ n cʋʋnaˈ; gɩ do mɛ̃ afɩ thɩ̃ ˈlaa na wolone, dɩ afɩ Thɩɩkɛra yɛ gɩnɩ wolonena ɔr na ka fɩ.

Na‐n jɩɛ dʋ bʋrɛ na‐n nɩna anɩ bɔ cʋʋ tɩbɩlala wa‐n yɛ ga, a gɩ ha mɛ̃ na ˈlɛ khaardaa anɩ Thɩraakɛ hanɩle ƴũ fɩɩʋrakaˈ.

Ɔbɔɔkɛ nɩ‐n lini nʋɔ, na‐n ho bɩnɛ yenyɔdaraakɛ n lenɩ sɩ dɩ wa‐n kpaar na gbobiraˈ, gɩdonɩ wɩ‐n lire yɩɛ dɩ wa‐n nɩna tɩbɩla wɩ jɛ nʋɔ ɩnɩ li. Sobɔr mɩ so nar, wɩ ˈlɛr awɩ khaarda thalera pɩ. Sɩ fɛrɛ, ɔbɔɔkɛ fɩ‐n lini nʋɔ, hulo ƴɩɛ, a bʋlana niin yʋʋ; dɩ mɛ̃ fa nɩna tɩbɩla wɩ jɩ nʋɔ fɩ ləˈ, sɩ afɩ Thɩɩkɛ hanɩ ka keranɩ ɔr fa nɩna, dɩ afɩ Thɩɩkɛra n yɛnɩ dakha gɩrɛ keranɩ, ɔr na ka fɩ.