Versículos bíblicos populares de লূক 6

Compartir

লুঃউগো হ্লুউগি নাংরোলি প্রেং রাঃমি; আম্যাগ্রিই প্যাংলো, ছংলো ছংলো, রুওয়েংলো চিইঞ্যং প্যাংলো নাংরো তংমা থিঃ পিইমি আক্রংগা যাপুয়েং নাংরো খ্রাং পিইরিলি-য়াংপুয়েং নাংরোগোলি খ্রাং পিইফু।”

আকং লুঃউরোচা কুও চিইমা হিকচা আকং চাঃগাগোরা প্ররি অর মকং লুঃউচা কুও চিইমা হিকচা মকং চাঃগাগোরা প্ররি। লুঃউরো চিই নুন্হুংমা যা হিকরিলি-খুনাংচা য়াংচারা প্ররিব্যা মুহুক লঃ।

ছুগি নাংরোচা কুঃমা রেংসুউগো ওয়াসানা হিকগে অর য়াংসুউরোগো মাঙ্গালা প্যাংগে। তুখুউলি প্রেং রাঃফু মেম্হেপ্রি টেংগা আঃখিই পিইগে। য়াংপুয়েং লুককি নাংরো আতুওয়ক কংগং আগ্রিইকি ছুউক হিকরি অর নাংরোচা ফোরামা সাঃ ফ্রইমি আক্রংগা ফোরাচা কিজু মিহিকরি লুঃউনা মকং লুঃউরোগোলি মিত্তা থাঃরি।

নাংরো ফাখাং যা পুয়েং সানাঃখ্রাং হিকরিলিঃ নাংরোমালিঃ য়াংপুয়েং সনাঃখ্রাংগো চিইমা থাঃগায়।”

“লুঃউরোমা আপ্রইকো প্র মেপেকেকি, য়াংখা নাংরো আপ্রইকোলি প্রগেফুব্যায়ি। লুঃউরোগো ডেং রাঃরাফুছুলো মুতুওয়ককেকি, য়াংখা নাংরোলি ডেং রাঃথতিছুলো লুঃউরোচা তুওয়ককেফুব্যা। লুঃউরোগো খুওয়ং পিইগে-য়াংখা নাংরোলি খুওয়ং রাঃমি।

“নাংরো যাসুউরো নাথংগেতি য়াংসুউরোগো প্ররি, নাংরো কুঃমা রেইংসুউগো ওয়াসানা হিকগে। যাসুউরো নাংরোগো মিক্রিনৈং য়াংসুউরোগো মাঙ্গালা পিইগে। যাসুউরো নাংরোগো মকং তুওয়কতিলি-য়াংসুউরোগো নাংরো আকং তুওয়ককে। যাসুউরো নাংরোনা মকং আক্যাং আওয়ে প্যাংগেতি-য়াংসুউরো আতুওয়ক ছুউক তংগে।

লুঃউরোগা নাংরো যাপুয়েং রুসিই রাঃখ্যাংলি-য়াংপুয়েং নাংরো লুঃউরোগো রুসিইগে।”

যাসুউ নাককো পাআ তাব্রাক্কা সেঃতি-য়াংসুউগো অর তাব্রাক্কালি সেঃফু পিইলৈই। যাসুউ নাংরোগা কুঃরুংগো য়ুউ লাঃরি-য়াংসুউগো আংঙ্গিগোলি পিইলৈই। যাসুউরো নাংরোগা তংরি-য়াংসুউরোগো পিইগে। খ্যাংসুউমুছু নাংরোগা তুখুকমাসা য়ুউ লাঃগি-য়াংচাগো অর প্রেং মুতংগিফিই।

“আপাং অাকংমা মকং আসিই মিসিই অর মকং আপাংমালি আকং আসিই মিসিই।

আসিইগো ম্রাংগি আপাংগো সিইনৈংরিব্যা। লুঃউরোচা চুউ নুুওয়েগা সাফাইসিই মাছুয়ে অর চুউ নুওয়েগা চব্যসিই মাছুওয়ে।