Versículos bíblicos populares de मरकुस 13

Compartir

होर में बझई जोई सम्हाई मेह्‍णु तुसी हेर नफरत कते; पर जे अखिर तकर लाह जोई विश्वास कते रेहाल, सेईंया बचता।”

हेरे, किस कि तुस न जाणते कि से टेम कपल एन्ता, त खबरदार भोई कइ तेयार बिशे।”

जपल से तुसी घिन कइ तेन्के हवाले करियेल, त तुसी पेहलाई चिन्ता न करीण कि असी की बोलुण; पर जे कुछ बि तुसी बतेईन्तु, सेईंए बोलुण; किस कि बोलुणे बाड़े तुस न भिन्थ, पर शुची आत्मा भो।

अम्बर त धरती खतम भोई घेन्ति, पर में बोक कदी ना मुकती।”

यीशु हउ बि बोलु, “तेस रोजे या तेस टेमे बारे कोई न जाणता, न स्वर्गेदूत, न कुआ, पर सद बोउ जाणता।

होर जपल तुस लड़ाई त लड़ाई बारे उफाह शुणियेल त न डरुं; किस कि ईं पेहले भुण जरूरी असु। पर एठिए नेईं मुकुण।

त तिहांणि तुस तेस नौखरे ईं चौकाने बिशे, किस कि तुस न जाणते कि गीहे मालिक कपल एन्ता, झवादी या बुच रात, या कुकड़े बांग देणे टेम या फि भ्यागे टेम। ईं न भो कि से अजगता एई कइ तुसी उंघो हेराल। जे अउं तुसी जे बोता, तस अउं सम्हाई जे बि बोता कि : खबरदार बिशे!”

त जाति जाति बुच, राज्य राज्य बुच लड़ाई भुन्ति। जगाई जगाई भुंजल घेन्ते, त अकाल घेन्ता। ए त सद धिक धिक शुले एणे टेमे ईं भुन्तु।

पर ई जरूरी असु कि सोबी जाति अन्तर खुश खबरी प्रचार भो लौता।

किस कि में नओं नी कइ सुआ जेईं एन्ते त बोते, ‘अउं सेईंए मसीह भो’ त सुआ जेईं ठगान्ते।

जपल ए सोब भुन्तु त तुस खबरदार बिशे; किस कि मेह्‍णु तुसी टजोटे हवाले कते त तुस अराधनालय अन्तर मडेईन्‍ते, त में बझई जोई तुसी अफसर त राजी के सम्हाणि खड़ेरते कि तुस तेन्हि जे में बारे उगाह दियेल।

किस कि तपल झूठे मसीह त भविष्य वक्ते एन्ते। से निशाण हराल कइ त सुआ चमत्कारे कम कर कइ, होर तेन्हि केआं भोई सकियेल त परमेश्वरे चुणो तेन्हि बि विश्वास केआं उलाठ नेणे कोशिश कते।

तोउं यीशु हउ बि बोलु, “तेन्हि दिनि अन्तर, तेस दुख बुखता केआं पता दिस अन्हारु भोई घेन्तु, त जोसणी टगड़ियार घेई घेन्ति। तारे अम्बर केआं झड़ण लगते; त अम्बरे सोब ग्रह इएर त ओवर खिल्हिर घेन्ते।