Versículos bíblicos populares de मत्ती 24

Compartir

अधर्म बधणे बेलि मेह्‍णु के होरी जोई परेम घट भोई घेन्ता। पर जे अखिर तकर लाह जोई विश्वास कते रेहाल, सेईंया बचता।

होर, परमेश्वरे राज्ये खुश खबरी प्रचार पूरे मतोक अन्तर भुन्ता, ताकि सोबी जाति मेह्‍णु खुश खबरी शुणणे मौका मेईंयाल। तोउं जाई कइ मतोके अन्त एन्ता।”

तुसी भयंकर लड़ाई बारे शुणतु, लड़ाई बारे उफाह फैलती। तोउं बि तुसी डरुण नउ, किस कि अन्के पेहले भुण जरूरी असु। पर मतोके अन्त ई न भो।

किस कि हर जाति मेह्‍णु, त राज्य पुठ राज्य लड़ाई कते, जगाई जगाई अकाल त भुंजल घेन्ता। ए त सद धिक धिक शुले एणे टेमे ईं भुन्तु।

अम्बर त धरती बि मुक घेन्ते, पर में बोक कदी ना मुकती।”

किस कि सुआ जेईं में नओं नी कइ एन्ते त बोते कि से ‘मसीह’ भिन्थ, होर सुआ जेईं विश्वास केआं उलाठ नी छते।

तोउं तुसी भुंजाण जे त मारण जे मेह्‍णु तुसी टोवाई छते। में चेला भुणे बझई जुए सोबी जाति मेह्‍णु तुसी जोई बैर कते। तपल सुआ जेईं विश्वास केआं उलाठ घेन्ते, यकी होरी धोखा देन्ते, त यकी होरी जोई बैर कते। सुआ झूठे भविष्य वक्ते एन्ते त सुआ जेईं विश्वास केआं बेहकान्‍ते।

यीशु तेन्हि जे जवाब दिता, “चौकाने बिशे! कोउं तुसी बेहकाल नउ।

तोउं त, तुस बि तेयार बिशे, किस कि जेस घड़ी बारे तुस सोचते बि नउ, तेस घड़ी मनखे कुआ एन्ता।”

तोउं त, चौकाने बिशे, किस कि तुस न जाणते कि तुं प्रभु केस रोज दुबारी एन्ता।

यीशु हउ बि बोलु, “पर तेस रोजे त घड़ी बारे कोई न जाणता, न स्वर्गेदूत, न कुआ, पर सद बोउ जाणता।

किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।

जीं नूहे रोज भुओ थिउ, तीं मनखे कोईये एणे रोज बि भुन्तु। किस कि हाड़ एणे पेहले तेन्हि रोज मेह्‍णु खांते पीन्ते त ब्याह जानि कते रिहे। होर जेस रोज नूह त तसे टब्बर जहाज अन्तर गा त अजगता हड़ आउ त पुओणि बि भरीण लगु। नूह त तसे टब्बरे त बच गा। पर होरे तेन्हि समझ ना आउ कि कपल से हाड़ बहाई छड़े। तिहांणि मनखे कोईये एणे रोज बि भुन्तु।