Versículos bíblicos populares de MAREKO 13

Compartir

Gaire le ko uabi derar kara neilam, ese nerute le erpei mop ge tabarki, E ko eded.

Uaba mamoro dasmer, a derser, a esorerapare; abelelam uaba nole umer kak abele gerger.

Ese uiaba uaba tegared, a uaba emarida, uaba nole kekiam deraimeri a dikiapor na mer ko detager; abele gerger ua ko detager, abele mer uabi nakuar; a nole uaba detager, mamoro Laniar Zogo.

Kotor ge a geseb ge ko abu; a kara mer giz nole abu kak.

Epe abele gerger pako haua iamdali le nole umer kak, angela giz kotor ge nole umer kak, a Uerem nole umer kak, epe Aba tepteb.

Uaba barseda aserare, a barseda daratagereda, nole geum kak; abkoreb abele kekiam tabarki; mop uarem.

Abelelam ua ko derser: abelelam uaba nole umer kak abele gerger meta ra Kole ko tabarki, ese kikem, ese eip ki, ese kimiar faul ereretikri, ese idim ge: Epe E sobkak tarabarakua, a uabi erdali uteid. Abele mer kaka uabi detagereda, kaka uiabim gaire le uridili detagereda, Derser.

Abelelam nerute ged tekue obapit nerute ged, a nerute baselaia obapit nerute baselaia: a demali ko nagri uader ged, a memeig giz tabarki, a urker: abele ditimeda giz gaire asiasi.

Abkoreb kekiam euangelia marau uiabim gaire ged uridili.

Abelelam gaire le ko kara nei ge tabarki, a detager, kega, Kakanali Keriso; a gaire le didmirki.

Uaba mamoro dasmer; uiaba uaba kotem emarik; a uaba ipit sunago ge; a uaba tegared gauana giz a au opole giz ra op karielam, uiabim atamelam.

Abelelam gaire Keriso bes, a gaire perofeta bes ko tabarki, a uiaba natomertare gaire atamelam a gaire adigir, ko didmirki gaire le depegili, ese umele.

Keubu abele gaire gerger asiasi, lem au kupikup nole be kak, a meb nole meb gerib kak, A kotor uer giz nabuda, a gaire kotor adigir deskerdi.