Versículos bíblicos populares de Mataio 26

Compartir

Uaba uti kak a esorerapare, iaueakai uaba nole mirem barota; merkepu au lagelag, a gem gebegeb.

E uiabi detager, Kara nerkepu au asiasi, bakedida abele eud; uaba ko bamer ike, pako kari kemem uti kak.

E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.

Abelelam kara mam ike, abele mam kerkar gelar ko epaitered gaire le giz adem dikri le ra uite giz.

Uiaba eroare, Iesu ekao abele areto, a esoao, a itur; a uiabim nakuarare tabara kaimeg giz, kega, Tekao, aroem; kara gem ike.

E tanelu ekao, a esoao, a uiabim nakuarare, kega, A ui uridili areem

E ko akomed a erdali abara kaimeg giz uiaba uteid, E detager Peteruim, Nako, uaba nole saserim kari kemem uti kak abele netat haua ge?

Kaka uabi detager, kega, Kaka nole aree kak abele uina turumlam, mena bakedida abele gerger kaka ko aree abele kerkar uaina uabi kemem kara Aba ra baselaia.

Epe Peteru ko dikiapor abele mer Iesu abi detager, Nole kimiar faul ereretikri kak, ma neis netat kari asared. Ege osomed E au ezoli.

Bako, meriba bakeuare: dasmer, E maike abele le kari mirem.

Iesu abim detager, Mara teibur aososo tulik ko ikedi taba gedge; abelelam uiaba uridili ekao abele teibur aososo tulik, a ko eumilu abele teibur aososo tuliklam.