Versículos bíblicos populares de Mataio 19

Compartir

Iesu uiabi dasmer, a uiabi detager, Le giz umer kak abele lu; epe Ade umele gaire lu uridili.

Peike nole ko neis le, epe neis le netat gem. Dasmer, uader le Ade daratkaprida, nole le atakeamur kak.

Ege E uiabi etkalu, kega, Nako uaba nole etage, abele le detagem le gizlam, E ikeli neis le kimiar pako kosker, E uiabi detager, Abele lu kimiar dekaerti abara aba pako abara apu, a abara kosker ekpi; iaueakai neis le netat gem?

Ege Iesu uiabi detager, Nole aisumdar kak, karim tabakeuare: abelelam uiaba ike abkoreb mokakalam kotor baselaia ge.

A gaire le kekiam, a ko keubu; a uader le keubu, a ko kekiam.

Ese nerute le dikaer meta, pako keimer giz, a berbet giz, pako aba, a apu, pako kosker, a omasker giz, a ged giz, kara neilam, E nagri dordor gaire lu mokakalam netate handed, a ko nagri eded aseamur kak.

Iesu abim detager, Ese ma lagelag debele kemerkemer, mara tonar ma bakeam a ko terapei gaire mara lu, ma uiabi nakuarare gaire lu kak le, iaueakai mara lu nagri kotor ge gaire debe lu giz, a ma tabakeam, kari narmili.

E abim etkalu, Nalu ma kari babeid kaka debele? nole nerute le debele, epe Ade tepteb: ese ma lagelag eded, ma mamor asesered gaire gelar giz.

Kaka uabi detager, Kamela umele bao abele nila neb ge, epe lu giz ra apu umer kak erdali Ade ra baselaia.

Kakanali uabi detager, kega, Ese le dituaki tabara kosker a nole ko kak, a ko ispi nerute kosker, E kogem; ese le ispi abele amuam kosker, E dali kogem.

Iesu detager abara kaimeg giz, Ageakar kaka uabi detager, Au beber lu giz ra apu a bao kotor baselaia ge.