Versículos bíblicos populares de Luka 3

Compartir

Ege E bapataiso abele ged uridili, a ko Iesuim bapataiso, E esorerapare, ege abele kotor nakesmulu, Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Ege Ioane de daratagerare, kega, Kai uabi bapataiso ni ge; ia nerute le tabakeam aule kari tumge, nole abkoreb kaka detue abara teter gab mukub: E uabi bapataiso abele Lamar Zogo, gako abele ur

Debele uaba turum nagri abkoreb obazgeda, a uaba nerkep nolea dikiapore, kega, Aberahama keriba aba; abelelam kaka uabim detaut, Ade umele depegeli baker peike ko Aberahama ra omasker.

Abara tulik mena ikedili lu giz ge: ese gaire lu uridili nolea turum kak, ei uaesem urem uadikri.

Mokakalam mer detali jauali ge Isaia perofeta, kega, Abele kodo mer ereretikri sumez ge, ueakai paret Iehoua ra gab, adem dirup. A mitkar muimui uteb uridili, a gaire paser pako daip uridili nolea aule kak; gaire lu barbar ko barditug, pako uteb no baker ko ikeli debe gab. Gaire le uridili dasmer azigmoaret Adelam.