Versículos bíblicos populares de Malɨkɔ 13

Compartir

Ɓombi kʉ ɓuɓomu ɓa꞊nɨyaa sina aka ekoo asɛmɛ. Ɨkyɛmɨngana, mombi ngia a꞊pɨmakɨa ɓaya ngiangɔ kʉɓʉya tʉkʉ akʉ 'upipio, a꞉nyɨa sina nʉ ɓʉhɨa.

« Pɨmɨeni pɨmɨaa, ɓieni mesu ɓʉ gbɛ, jʉ nambʉkɔmʉ kʉmbɨa aka wati nguʉnanɨ wa꞊ka‑ɔɔ.

Ati ngia ɓa꞊nɨfa sina‑ɔɔ, ɓambʉsa ninu apɛɛ ʉ 'ʉkɔmbɔ, nɔɔkwakɔmʉ ɓatanga kʉpɛɛ ɓɔ na꞊yaka moni tɨmanɨ. Ɨkyɛmɨngana, sigeni tʉkʉ moni ngika ka꞊ka amati ʉndɛnʉ akʉ wati nguʉnanɨ, jʉ moni ngikʉnanɨ kambʉkʉɓʉa ninu, ɨkyɛmɨngana ka꞊ɓʉa nʉ 'Ʉtʉma wɔɔ Tu.

Ekoo ʉ ɓisi nʉ ɨtaka ya꞊ɓaa ɓaa, ɨkyɛmɨngana moni ngikʉsɛmɛ kambʉkʉɓaa sina gʉkʉ ɗɛkɛkɛ.

Yambʉkɔmʉ nʉ mombi gʉkʉ mʉngana iya aambɨa ɓisi kʉndʉ wati ngua moni ngikʉnanɨ ka꞊kyananakɨa‑ɔɔ. Abana kʉndʉ ɓamalaika ngiɓa ɓa ekoo ʉ ɓisi, abana kʉndʉ ɛmɛ Mwana ngiangɔ, mambʉkɔmʉ kʉmbɨa kʉ ɓwanɨ. Ɨkyɛmɨngana, tʉkʉ Tidoo kʉ nangana akʉmbɨa engo. »

Ati ngia na꞊kɔ sina‑ɔɔ masaʉ kʉ ɗite nʉ ɓaakɔ ɓʉ ɗite, nɔɔmbambaniakɔmʉ. Jʉ yɨkwanana ɓɔ moni ngikʉnanɨ kʉkyananakɨa‑zʉ tʉkʉ ndʉ ananɨ. Ɨkyɛmɨngana, moni ngikʉnanɨ kambukuɓio‑zʉ 'upipio wʉ ɨtaka.

Iiya ɓɔ inu ɓieni mesu ɓʉ gbɛ, jʉ nambʉkɔmʉ kʉmbɨa ɓɔ Makʉʉ ʉ ɨkáa a꞊tʉa ati tɨmanɨ. Yaɓio yɛmɔ tiga mbise nadɨndɨ, yɛmɔ nʉgʉndʉ, yɛmɔ aka kɔɓɔ ngia wʉ pɛɛ aanatɨa‑ɔɔ, yɛmɔ kʉɓa ɓʉ cha. Chʉkɔmʉ ndʉ aɓwanɨa, a꞊nɨgbʉka tiga akʉ tɔɔ. Moni ngika munisigio akɛ ka aka ekoo ʉndɛnʉ kʉ ɓuɓomu. Ɓieni mesu ɓʉ gbɛ! »

Mababa kʉ ɓombi ka꞊mana sina nʉ mababa kʉ ɓombi nga kɔmɔ. Nʉ ɓʉngama ɓa꞊mana sina kʉ nʉ ɓʉngama nga ɓɔmɔ. Ajigijo a꞊ɓaa sina akʉ ɓamʉa kʉ di di di, nʉ taa yɛɛ ɨja ya꞊kwa sina akʉ lɨkʉmbʉ kʉ di di di. Moni ngikʉnanɨ kʉ muɓomu kaɓio sina tʉkʉ 'ʉkpanganɨa wʉ ɓʉka‑ɓʉkaɨ, ngbanga ndʉ ɓʉka‑ɓʉkaɨ ɓʉ ʉnɔtɔ. »

Nʉ yɨkwanana‑zʉ kʉɓɨakɨa mababa kʉ ɓombi kʉ muɓomu Ɨsaʉ yɛɛ Iɗo.

Jʉ ɓombi ɓaja ɓa꞊ka sina nʉ ino yɨsɛmɛ ɓinyeni kusigo ɓɔ: ‹ Ɛmɛ Klisito iya. › Nʉ ɓa꞊pɨtaka sina ɓombi ɓaja.

Pɨmɨeni pɨmɨaa inu ɓakʉɓɔngɔ. Ɓa꞊niɓaiso sina apɛɛ ʉ 'ʉkɔmbɔ, ɓambʉnɨɓɛnda fimbo amati ʉ lɨkáa lʉ nɨta ngila lʉ Ɓayuda aka ekoo asɛmɛ. Kija ɓa꞊niɓaiso sina akʉ 'ʉkɔmbɔ, apɛɛ ʉ ɓangama ɓʉ ɓagɨpa nʉ ɓangama ɓɔɔ ɓʉkpɔkpɔ, ambʉ nyɨeni nʉ wati naɓɔ kʉngakɨa moni ngika ɛmɛ Yeso ma꞉kyɨa akʉ ʉɓɨɨ nguʉndɛnʉ.

Jʉ ɓombi ɓʉ yakanaka ɓa꞊ɓwanɨa ɓisi ongo iɓa ɓaɓio kusigo ɓɔ ɛɓɔ ɓa klisito, nʉ lɨgbɛ lʉ yakanaka la꞊ɓwanɨa kʉ ɓwanɨaa. Nʉ ɓaɓio sina kʉkyɨa ɓamoni ɓɔɔ ɓʉmbangɛ nʉ ɓakɔkɔ, kʉhata kukwisiso ɓombi ngiɓa Asʉɓɨɨ a꞉ɓʉchwa.

« Akʉ makwaa ngikʉnanɨ sina, mbise ʉ ɓʉka‑ɓʉkaɨ ɓɔɔ ɓaja ngiɓʉnanɨ, kija ɨpá ya꞊kutunio sina nʉ umomo ɓʉ ɗipa, uyi wambʉsɨa jɨa. Ndata ya꞊ɓwanaka sina ya ɛsɨ ɓʉ kpu kpu kpu. Nʉ ɨkyɛmɛ kʉ iɓomu ngia yanʉ angu ekoo ʉ ɓisi ya꞊gʉgʉma sina gʉgʉmaa.