Versículos bíblicos populares de Luka 8

Compartir

Masɔɔ ngika ka꞉ɓwanaka akʉ ɨtaka yɨ dɔɓɔ, yakʉpananiso ɨkyanankɨa yɨ ɓombi ngiɓa ndʉ ɓaakɔ mapanʉ kʉ Asʉɓɨɨ, ɓambukuɓoto nʉ 'ʉtʉma mungono wɔɔ uɗo nʉ wɔɔ ngbingbii. Masɔɔ ngikʉndaɓʉ ka moni kɔɔ muɗo ngika ɓaakyɨa nʉ 'ʉtʉma wɔɔ ʉta. »

Masɔɔ ngika ka꞉ɓwanaka ati ʉ akpakiki, yakʉpananiso ɨkyananakɨa yɨ ɓombi ngiɓa ɓaakɔ mapanʉ kʉ Asʉɓɨɨ kɔɔ. Ɨkyɛmɨngana, ndʉ ɓaapa nanɨ, ɓatanga, nʉ taa yɨ kumbo, nʉ ɓʉtɨpɨ ɓʉ ɨtaka ɓambʉɓʉsangaka ndʉ akpakiki. Kʉ ɓwanɨ, ɓambakamɔ tii ɓata lipumo ngila lʉkwanana kʉ'ʉtɨa.

Masɔɔ ngika ka꞉ɓwanaka akʉ ɨtaka yɨ mukopi, yakʉpananiso ɨkyananakɨa yɨ ɓombi ngiɓa ndʉ ɓaakɔ mapanʉ kʉ Asʉɓɨɨ, ɓambukuɓoto nʉ ɨgyagya. Ɨkyɛmɨngana, chʉkɔmʉ ʉpanʉ wambʉfana mii amati ʉndaɓʉ. Ɓaabaya akʉ mwanʉ wati gbititi, mbise, kanyo yɨɓʉgbʉkeni, ɓambʉkwa.

Yeso ambusigio tiga ɓakpataka ɓɔ: « Baya ngiindɛnʉ ya gbanɨ? » Ɨkyɛmɨngana, ɓa꞉kwa ʉɓa kingono. Kija ya꞉ɓʉmbangɨa nadɨndɨ, ɓambufaniso ɓokono ati ʉndaɓʉ ɓɔ: « Ikanzi yɨ mombi tɨmanɨ iyakɛ ɓɔ abana tʉkʉ mahuo nʉ mepo kamʉkɔ tʉkʉ kɔnɨ? »

Masɔɔ ngika ka꞉ɓwanaka anɨngbaa, yakʉpananiso ɨkyananakɨa yɨ ɓombi ngiɓa ɓaakɔ mapanʉ kʉ Asʉɓɨɨ kɔɔ. Mbise ɗɛkɛkɛ, Abɨa ambʉka kʉʉngwiso mapanʉ ngikʉnanɨ amati ʉ mɨtʉma ngiindaɓʉ, ambʉ ɓɔɔbayakɔmʉ nʉ ɓɔɔnyɨakɔmʉ nʉ ɓʉhɨa.

Jʉ moni kɔɔ mʉɓatanɨɛ kʉ muɓomu ka꞊ɓʉa sinani akʉ ɓʉmba. Nʉ yambʉkɔmʉ nʉ moni kʉ ɓaɗi ngika kambʉkʉmbɨanɨa sina akʉ ɓʉmba.

Iya moi ngiinanɨ a꞉na ɓɔ yɨmbɨanɨa mbɨanɨanɨ ɓɔ umuɓotoo, kija a꞉ɓwanɨa nʉ gʉgʉma, ambʉka kʉgbʉkʉmɨa akʉ mɨtɨndɨ yɨ Yeso. Kija a꞉faniso panzanakɨa apɛɛ ʉ ɓombi kʉ ɓuɓomu, nʉ ngaka ɓɔ umuɓoto jʉtanɨ, nʉ aka ʉhɨa‑ɔɔ kʉ nɨma ngiinanɨ. Yeso ambumusigio ɓɔ: « Mwana asɛmɛ, baya ngiisɔɔ yɨnahiiso hiisoo. Sa nʉ majɨɔ. »

Kija ɓakpataka ɓa꞉ɗʉana anambamba ʉ Yeso nayɔ kʉjʉkaniso, ɓambumusigio ɓɔ: « Mʉpananakɨa, mʉpananakɨa, isu iɓa kakuwo akɛ. » Yeso ambʉjʉkana, ambʉngbaa nʉ mahuo nʉ lɨzana lɔɔ lɨja ngilʉnanɨ. Kija mahuo nguʉnanɨ wa꞉katana, gʉ mʉa tʉkʉ ɓʉ nyɛ.