Versículos bíblicos populares de Luka 13

Compartir

« Kyɨeni angu kukumunio akʉ umongu ngua wɔɔ kpɔkɔlɨ. Jʉ maninu kʉɓɨa ɓɔ, ɓombi ɓaja ɓa꞊kanyo ɓisi ongo kukumunio, ɨkyɛmɨngana ɓambʉkʉkwanana kumunio gʉkʉ ɗɛkɛkɛ.

Nani, moi mʉngana i꞉nye nʉ 'ʉtʉma wʉ abɨa uwa wa꞉muguɓo 'ʉkɔngɔ tʉkʉ ɓʉ kɔfɨ amati ʉ mugo kumi nʉ ʉɓagɨna. Ambikinye ikanzi ngia ayumunio gʉkʉ ɗɛkɛkɛ. Iya Yeso a꞉mʉna nayɔ, ambumusoko, ambumusigio ɓɔ: « Inoo, wuɓununikio akʉ kweso ngiisɔɔ ɓununikioo. »

Kija a꞉napɨa lɨkɔndɔ ekoo angɔ. Kʉ nɨma ngiinanɨ, ambuyumunio kʉ ngbii, ambufaniso tuisio Asʉɓɨɨ ɨbɨba.

Kʉ ɓwanɨ, ɓombi ngiɓa ɓa ambise ɨtakɨ‑takɨ ngiakɛ, ɓaɓio tiga apɛɛ. Nʉ ɓiga ngiɓa ɓa apɛɛ ɨtakɨ‑takɨ ngiakɛ, ɓaɓio tiga ambise. »

Ati ngia mambɨnyɨ ʉ ɨkáa a꞊ʉngwa sina‑ɔɔ ɨkʉʉ ambʉdɨkpa umongu, inu na꞊tukuo tʉkʉ aɓei. Kija na꞊faniso ɓɛnda umongu ninyeni kusigo ɓɔ: ‹ Makʉʉndɛsʉ, tɨganɨa ɓaka umongu. › Kija ɛyɔ a꞊nitisio tiga ɓɔ: ‹ Mambʉkɔmʉ kʉmbɨa ɓɔ naka neni! ›

Maninu kusigio ɓɔ yambʉkɔmʉ ɓwanɨ gʉkʉ ɗɛkɛkɛ. Ɨkyɛmɨngana, ndʉ nambukunicho mɨtʉma ngiindɛnʉ, inu kʉ ɓuɓomu na꞊dʉka ngbanga kʉndʉ ɛɓɔ. »

Kija a꞊tisio ɓata ɓɔ: ‹ Mambʉkɔmʉ ninu kʉmbɨa ɓɔ naka neni. Ʉngweni akʉ mesu kʉsɛmɛ, inu kʉ ɓuɓomu ngiɓa naakyɨa ɓʉɓɨɓɨ. ›

Kija Yeso a꞉sigo ɓɔ: « Ɓʉngama ɓʉ Asʉɓɨɨ ɓa ti‑zʉ ngbanga nʉ ɨmanɨ? Ma꞊ɓusisinio ti‑zʉ nʉ ɨmanɨ? Ɓa ngbanga ndʉ mwana ʉ ipumo yɨ ɓʉtɨ ngiɓa ɓaaɓusoko ɓɔ aladali, iya mombi mʉngana a꞉ɨchɨka, ambʉɨhʉna akʉ ɨtaka amati ʉ watɨnɨ nguangɔ. Iya ya꞉naa yambʉka tiga ɓʉtɨ ɓɔɔ ɓaja, ɓunoi ngiɓa ɓaabʉmbʉa akʉ maba kʉ ɓisi ɓambʉtɨa lɨkáa ekoo ʉ mɨtapɨ yɛngɔ. »