Versículos bíblicos populares de Luka 10

Compartir

Ʉna tɔ, ma꞉ninzo inu angu kichoo ɓazɨɨ nʉ ɓanakwavanɨ, nʉ kʉɓaa angu kʉ 'uɓomu ngia wʉ Makwa, nʉ ɨkyɛmɛ yɛɛ ɓɨɓɨ yambʉkʉnɨkyɨa.

Makʉʉɓɨɨ ambumutisio ɓɔ: « Ɔwɛ Malata, Malata, wakuyongono nʉ bʉmbana nʉ lɨngbaa lʉ moni lɨja. Ɨkyɛmɛ yɛɛ ɨja ya tʉkʉ mɨngana. Malɨa ʉ꞉chɨka yangɔ ɨkyɛmɛ yɛɛ iɗo nadɨndɨ, nʉ yambʉkɔmʉ nʉ mombi ngia a ikanzi ngia a꞊mʉhɨnɨa ɛyɔ. »

Ambutisio ɓɔ: « Kʉnda Makʉʉbɨɨ Asʉɓɨɨ ngiasɔɔ nʉ 'ʉtʉma nguʉsɔɔ kʉ uɓomu, nʉ ʉwɔndɔ wʉ 'ʉtʉma nguʉsɔɔ kʉ 'uɓomu, nʉ angu ngiasɔɔ kʉ 'uɓomu, nʉ mbɨmbanaka ngiisɔɔ kʉ iɓomu, nʉ kʉnda mangɛ kʉndʉ waakʉndana ɔwɛ makʉɔngɔ. »

Ambuɓusigio ɓɔ: « Masɔɔ ka maja akʉ watɨnɨ, ɨkyɛmɨngana ɓombi ɓʉ kuu ɓa ɗɛkɛkɛ. Kʉ ɓwanɨ, teni makʉʉ ʉ masɔɔ ɓɔ ʉtʉma ɓombi ɓʉ kuu akʉ watɨnɨ nakɔ kʉʉngwiso.

Yeso ambumuɓukuo ɓata ɓɔ: « Anɨ ati ʉ ɓombi ɓaatʉ ngiɓʉnanɨ iya wakʉna ɓɔ a꞉pananiso ɓʉkʉnda akʉ mangɛ ngiinanɨ a꞉kwa akʉ lɨkɔndɔ lʉ ɓombi ɓʉ ndiɓo? » Mʉpananakɨa wʉ mapanʉ nguʉnanɨ ambutisio ɓɔ: « Ya gwa ngia a꞉mʉnɨa ikoko. » Kija Yeso a꞉musigio ɓɔ: « Sa! Ɔwɛ kyɨa kʉ ɓwanɨ. »

Seni! Ʉna tɔ, maninu kʉtʉma ndʉ ɓana ɓʉ ɓakɔndɔlɔ ati ʉ ɓakwei.