Versículos bíblicos populares de Ipakilya 17

Compartir

Ndô gw’avegagi Abram agôm̃i m’impum̃’eṉôgôm̃i n’impum̃’eṉôgôm̃i, Yeôva awôm̃unyi gôr’Abram awulinyè inè: Myè ne Anyambyè yi ngulu yôdu, gangaṉa g’ôzô wam̃ ko dwaṉ’ôma w’ôgôre.

Ini nyo ny’arô fweyô nyèṉè inè: Abram, ndô ini nyo nyi be dwaṉ’inè: Abraam, konde my’are wè panga pe rerè y’aṉongw’ am̃enge.

Mi be dwaṉize njeki yam̃ ntyo myè ntyo wè, ni ntyo awaṉi wo gô nyum̃i yo gw’ampôm̃i maô; yi be dwaṉe njeka ya pèkèpèkè, gô dwaṉ’Anyambyè gôre wè na gôr’ awaṉi wo gô nyum̃i yo.

Yiṉo ne njeki yam̃ yi jekô myè na wè, ô be dwaṉe rerè y’aṉongw’am̃enge.

N’awulyi Anyambyè inè: Giligili, Sara y’ômwantô wo e be jaṉ’ômwaṉ’ôṉôm̃e gôre wè, ko wè bèt’ini nyè inè: Izaak; ndô mi be dwaṉize njeki yam̃ gôre yè, njeka y’egômbe zôdu gôr’awaṉi wè gô nyum̃i yè.

Ndô mi be pa gôre wè na gôr’awaṉi wo gô nyum̃i yo ntye yi re wè ôgènda, ntye yôdu yi Kanaan vo iṉiva s’egômbe zôdu; myè kè mi be dwaṉ’Anyambyè yaô.

N’avuri Abraam ôzô wè gô ntye, ayoṉa, awulya g’ôrèm̃i wè inè: Ôṉôm̃e wi nkam̃a y’impum̃a ko jaṉ’ômwaṉa? Sara kè y’atweṉi agôm̃i m’impum̃’eṉôgôm̃i g’ôṉèro, ko jaṉa?

N’awulinyi Anyambyè Abraam inè: G’ômwanja wi Sarai y’ômwantô wo, aṽèt’ini nyè nyèṉè inè, Sarai, ndô ini nyè nyi be dwaṉa inè, Sara.

Aṉwè be kèr’ iluwu yaṉi; si be dwaṉ’itum̃inya si njeka ntyo myè ntyo ṉwè.

Mi be dwaṉize njeki yam̃ gôr’Izaak, yi be jaṉô ne Sara gw’egômbe ziṉo g’ômpum̃a wi bya.

Ômwany’ edu gôre ṉwè, ayè, jaṉô pa ntyugu eṉanay, e ga gèrô ga nt’ar’ampôm̃i maṉi, ajaṉô gô nagô, ge akôlô ni sika y’ômwany’edu w’ôgènda, wi re e zele gô mbuṽe yaṉi. Ayè yi jaṉô gô nagô yo, n’ayè yi kôlô ni siki yo e ga gèrô giligili, ko njeki yam̃ dwaṉa gw’iluwu yaṉi njeka y’egômbe zôdu.