Versículos bíblicos populares de रोमि 6

Compartir

कहेकि पाप राः बनित दो मिरतू हवे, लेकिन भगवान राः बरदान अबू रेनिय परभु ईसु मसीह रे अनन्त जीवन हवे।

हेंडे पाप अपे थरे एरो राज तेडा, कहेकि अपे धरम नियम राः अधीन रे कोवा पेआ, अपे भगवान राः किरपा राः अधीन रेपेआ।

हेनाते अबू बतिस्मा तिला तोलोग, मसीहा सुदा बू हर एड़वा केना, अवुर हेंय राः मिरतू रे भाग बू तिला केडा, अवुर अबू बतिस्मा, नवाँः जीवन जियोः लगड बू तिला केडा। नआँ दो न घयतेआ कि जेयसे मसीहा महिमा रे दोहोनय भगवान अपा राः सक्‍ति तेय जियो यना, हेन घयते अबू हो नवाँ जीवन ते जियोः लगड बतिस्मा बू तिला केडा।

अवुर अपे राः अंग अधर्म राः हथियार बनो केते पाप लगड अलोपे जिमायू, बल्कि अपन आप गोजकेन वरिंञ जियो रिमकेना मेनते पसींद केते, भगवान थरे पे जिमाऊ, अवुर अपे राः अंग धरम राः हथियार बनोः लगड भगवान पे जिमा वा।

कहेकि अबू पपाड़िआ कि ईसु मसीह कुरूस रेय गोजेन हेना, अबू राः मरिआ जीवन गोजियान घयगिआ। अबू थरे दोहो एना पाप राः इक्छा नास लगड न घयते होया एना। अवुर अबू मड़ंग हडाँः जीवन तबू पाप राः बंधनू रे अलो दोहोनू।

नेन घयते अपे हो अपन आप पाप लगड दोले गोजियाना मेनते, लेकिन भगवान लगड मसीह ईसु रे जीवत गिआले मेनते पे अड़ींगू।

दो अबू ची मेनते बू कहनियाँ, भगवान अवुरिय किरपा वबू लगड पापे महल रेबू दोहोनू? अहाँः एन्‍नेरोआ, अबू पाप लगड दोबू गोजियाना, दो मड़ंग हँडाः जीवन फेर हेनेन्डे ची लगड बू बितो वेआ?

अपे दोपे पना पड़िआ, हरवाहकू अपन अपन गिरहत राः टहल कू अँजोमा, हेन घयते अपे जे होड़ राः टेबोः अँजोम लगड अपन आप हेंय राः अधीन रेपे जिमाँः रेदो, अपे हेंय रेनकू हरवाहकू हवे, नेन घयते अपे पापे लगड पाप राः टेबोःपे अँजोम रेदो, भगवान वरी हमेसा लगड दूरुःआ पे, अवुर भगवान राः टेबोः अँजोम लगड, हेंय रेनकू हरवाहकू घयते अपन आप पे जिमा रेदो, धरमी कुपे बनोआँ।

पहिल अपे पाप तेडा ते पाप रेनकू हरवाह कुपे दोहो एना, लेकिन अब अपे हरग दिल ते लाय वडपेआ हेना टेबोःपे मनो यडा, कहेकि भगवान अनेज राः टेबोः मनो लगड नवाँः मानिय ओवड पेआ, हेनाते इंञ भगवान धन्यावादिंञ ओवय तना। अब अपे पाप राः अधीन वरिय छडो केडपेआ, अवुर अपे धरम काम रेनकू हरवाह कुपे बनो यना।