Versículos bíblicos populares de रोमि 10

Compartir

अवुर हेना बचन नआँ हवे, अम अपन अहा ते, ईसु परभु हवे मेनतेम कबूले, अवुर अमाः मन रे भगवान हेंय गोजतन वरिय जियो रिमकेडिया मेनतेम बिसवासे रेदो, अम जरूरिय उबर मिआँ।

कहेकि धरमी ठहरोः लगड कनय हो अपन मन रेय बिसवासेआ, अवुर उबारुः लगड अहत तेय कबुलेआ।

हेनाते बिसवास, बचन अँजोम रे मेजुआ, अवुर मसीहा राः बारे ते परचारे रे हेंडेकू अँजोमेआँ।

कहेकि धरमग्रंथ रे न याःते लिखल इदाना, “कनय हो हेंय थरेय बिसवासेआ, हेंय एरोय लजियो एना।” अवुर नआँ बचन सींड़कू लगड हवे, कहेकि हेंय सींड़कू रेनिय परभु हवे, हेनाते एहूदिकू अवुर उनानिकू थरे कनर फरक कोवाआ, अवुर जे जे हेंय कू गोहरोआ, हेंकू हियाखोल तेय ओवा कुआ। कहेकि कनय हो परभु राः ञुमुय ञुमू केतेय गोहरोआ, हेंय उबारुअयू मेनते, भगवान राः बचन रे कहनी यडा।

अवुर कनय हेंकू थरे, कनय मेने कू कुल रेदो, कनय सेनकोःते काःतेय परचारेआ? न राः बारे ते धरमग्रंथ रे लिखल इदाना, “बढ़ियाँः खभेर कू इदिआ, हेंकू कटा तीमिन बनल ओकोन गिआ।”

लेकिन जे थरे मेने कू बिसवासेआ, हेंय काःतेकू ञुमूया? अवुर हेंकू भगवान राः बारे ते मेने कू अँजोमे रेदो, काःते हेंय थरे कू बिसवासेआ? अवुर हेंकू कनय मेने लाय वकू रेदो, हेंय राः बारे ते काःतेकू अँजोमेआँ?

कहेकि मसीहा अनेज थरे बिसवास केते धरमी बनेक इदाना मेनते बिसवासेः हेंकू राः बदला ते धरम नियम ची ची करोवे लगड कहनी यडा, हेना सींड़ मसीहा पूरा केडा, ने-ना ते होड़कू धरम नियम मनो केतेकू उबारुआ, अवुर मसीहा थरे बिसवास करेक जरूरत कोवाआ मेनते कहनिय हेंकू राः झूठा सिक्छा मसीहा खतम केडा।