Versículos bíblicos populares de John 12

Compartir

“Gin ony man wad serʼ me, lat him follow me; and whaur I bide, thar sal my servant bide; gin ony man serʼ me, my Father wull gie him honor.

“Wha loʼes his life, sal tine his life; and wha hains‐na his life iʼ this warld sal hain it for Eternity!

“Truly, truly say I tʼye, gin a pickle oʼ wheat faʼna into the yirth and dee, it bides allenar; but gin it dee, it brings muckle increase.

“I am come for a licht to the warld, that wha believes on me soud nae mair bide iʼ the mirk.

“And gin ony man hear to my words, and winna keep them, I judge‐him‐na; for it wasna to judge the warld, but to save the warld that I cam.

Than Mary took a pund oʼ ointment, the raal nard, unco precious, and anointit Jesusʼ feet; and dichtit his feet wiʼ her hair; and the hail hoose was fuʼ oʼ the perfume oʼ the ointment.

Tuik branches oʼ the palm‐trees, and gaed oot to meet him, and cryʼt oot, “Hosannah! Blessin on him wha comes iʼ the name oʼ the Lord! the King oʼ Israel!”

And Jesus answerʼt them, and quoʼ he, “The ʼoor is come for the Son oʼ Man to be glorifyʼt.