Versículos bíblicos populares de मत्ती 18

Compartir

केईनी कि जेठि दो या त्रा जंणै मिंडै चैलै भूंणेरै नातै परमेश्वरा किना मजतिरै तेईनी प्रार्थना कांननी किट्ठै भूंतै, तैठि आंउ तेन्हैरी मजत कांनेरै तेईनी तेन्हैरै बिच मौजूद भूंता।”

आंउ तुहांनि दुबारे याद करांता कि अगर तुहां मझियें दो मैहणु धरती पन कोस्केरी परेशानि दूर कांनेरै तेईनी अक मंन भौ करि विनती करिया ता मिंडै पिता परमेश्वरा जै स्वर्गा मझ बेठौरा सै समस्या दूर कांनी।

तेत पन यीशु अक छोकरू शदा करि तेन्हैरै बिच खड़ु कियु। जां बौलु, “आंउ तुहां सिंउ सच बोलता, कि ज्यो-तेईनी तुवे अपड़ै आपा बदली करि ऐस बच्चै सैयि ना बणि गाहलै त्यो-तेईनी तुवे स्वर्गेरै राज्य मझ ना पुजि सकतै।

ऐठणीरै तेईनी जै कौ अपड़ै आपनि ऐस बच्चै सैयि हल्का बंणाला सैहै स्वर्गेरै राज्य मझ सभनियांं बडा भूंणा।

जां जै कौ मिंडै नाँईयें ला एकि ऐतियै बच्चै ग्रहण काता, सै मूं बि ग्रहण काता।”

“आंउ तुहां सिंउ सच बोलता कि जै किछ धरती पन तुहां किठु कांनु सै स्वर्गा मझ बि किठु भूंणु, जां जै किछ तुवे धरती पन मैहणुवंनी कानेंरी अनुमति दैलै तैस कांनेरी अनुमति परमेश्वरा बि दींणी।

“ऐहियें-चारै अगर तुहां मझियां कोई बि अपड़ै साथी विश्वासी भाईनी माफ ना करैला, ता मिंडा पिता जै स्वर्गा मझ आ, तैस बि तुहांनि माफ ना कांनु।”

“पण जै कौ ऐन्हां हल्का मझांं जै मूं पन विश्वास कातै एकि बि पाप कांना पन मजबूर करिया, ता तेसेरै तेईनी ऐ छै भूंणु कि अक भारी घौड़ तेसेरै गआ मझ बंन्ही करि मरनेरै तेईनी समुन्द्रा मझ सुट्टी दियो।

तुवे कितु समझतै अत्तै, अगर कोसक्यै मैहणुरी शाउ भ्रैडै भुईया, जां तेत मझां अक हरा गहिया, ता क्या तैस होरी नाड़ेनुवें भ्रैडै बाड़ा मझ छडि करि तैस तौपणा ना गांहणु?