Versículos bíblicos populares de लूका 9

Compartir

फिरी तेनी सभनियांं मैहणुवां सिंउ बौलु, “जै कौ मिंडा चैला बंणना चहिया, सै ऐपु अपड़ा इन्कार करिया जां हर रौज दुख सेहन कांना जां मरनेरै तेईनी बि तियार रिहा सैहै मिंडा चैला बंणिया।

केईनी कि तुहां मझ जै कौ अपड़ै प्रांण बचांणा चाहला ता सै तैस गुंवा दींणै पण जै कौ मिंडै तेईनी अपड़ै प्रांण गुंवाला ता तैस सैक्यै बचांणै।

यीशु तैस सिंउ बौलु, “जै कोई मुड़ि करि संसारेरिया चीजा केरा मोह काता, सै परमेश्वरेरै राज्यरै काबिल ना।”

जै मैहणु इस सारै संसारा जिति लिया जां अपड़ै प्रांण गुंवा दिया, ता तेसनी कितु फायदा?

जै कौ मूं किना जां मिंडी गला किना लजाईयोला; मैहणुरै पुत्रा बि, मतलब मूं जेख्णी ऐपड़ि जां अपड़ै पिताऐरी जां पवित्र स्वर्गदूता केरी महिमा सेईतै ऐईंणु, ता तैस किना लजाईयोला।

यीशु तैस सिंउ बौलु, “गिदड़ा किनि तेन्हैरी कुढ़ी भूंती जां सुरगेरा पंछिया किनि तेन्हैरै गुल्है भूंतै; पण मैहणुरै पुत्रा मतलब मूं किनि झुलणेरै तेईनी अपड़ु घर बि ना।”

जां तैन्हांं सिंउ बौलु, “जै कोई मिंडा नाँ शुणि करि ऐस छोकरू अपणाता; सै मूं बि अपणा लींता; जां जै कोई मूं अपणाता, सै मिंडै भेईजणै बाऐ अपणा लींता, केईनी कि जै तुहां मझ हल्कै किना हल्का आ, सैहै बडा आ।”