Versículos bíblicos populares de लूका 19

Compartir

केईनी कि आंउ मैहणुरा पुत्र मतलब आंउ पापा मझ डुबोरै मैहणुवां अनन्त सजाहि किना बचाणनि जां तैन्हांं मैहणुवां केरा उद्धार कांना यौउरा।

कि “धन्य आ सै राजा, जै प्रभुरा नाँ लै करि ऐईंता, स्वर्गा मझ सुख-शांति जां परम प्रधान परमेश्वरेरी महिमां भुईया।”

तां यीशु तैस सिंउ बौलु, आज इस घरेरै मैहणुवां पन उद्धार यौउरा, केईनी कि तीं परमेश्वरा पनि विश्वास केया जिहीं तुवाड़ै पूर्वजै अब्राहमै क्यौरा थ्या।

जां यीशु तेदि बत्तै गांहथा थ्या जैस बुटा पनि जक्कई चढ़ौरा थ्या, ता यीशु तैस धेरै खड़ु तका करि तेसनी बौलु, “हे जक्कई, जल्दी उतरि करि थल्लै आ; केईनी कि आज मूं तिंडै घरै रींहणु जरूरी आ।” सै झट-पट बुटा पना उतरि करि खुश भौ करि यीशु अपड़ै घरेनी लै ग्या।

यीशु जेख्णी तेसेरै घरा मझ रोटी खांता थ्या, तां जक्कई खड़ै भौ करि यीशु सेईतै बौलु, हे प्रभु! तका, जै किछ मूं किनि धन-दौलत आ, तेत मझांं अधा हैसा आंउ गरीबनी दी दींता, जां अगर कोसकैरू चुंगी लींणा मझ किछ बि अन्या करि-करि लै लियौरू आ ता तेसनी चोउर गुणा वापस दी दींता।

तां भीड़ि मझांं किछ फरीसी तैस सिंउ बोलणा लगै, “हे गुरू! अपड़ै चैलानि झिड़खै दै, कि सै चुप बेशिया।” यीशु जुबाव दिता, कि “आंउ तुहां सिंउ बोलता कि अगर ऐक्यै चुप भौ ग्यै ता घौड़ा मिंडी माहिमा कांनेरै तेईनी चिंडै दींणी।”