Versículos bíblicos populares de लूका 12

Compartir

ऐठणीरै तेईनी तुवे बि मिंडै वापस ऐईंणा तेईनी तियार रिहा, केईनी कि मूं मैहणुरै पुत्रा ऐतियै टैंमा स्वर्गा किना ऐईंणु, जैस टैंमा तुवे मिंडै ऐईंणेरै बारै सोचतै बि ना भूंणै।”

ऐठणीरै तेईनी तेसेरै राज्यरी खोजि मझ रिय्हा, ता ऐकेई चीजै बि तुहांनि मेईं गांहणी।

जां यीशु तैन्हांं सिंउ बौलु, “ध्यान रखा, कि जै किछ तुहां किनि ना, तेसैरा लालच मेईं करा, केईनी कि जादा धन-दौलत कोसेरी जान ना बचा सकती।”

केईनी कि जेठि तुवाड़ा धन आ तैठि तुवाड़ा मंन बि लगी रींहणा।

तुहां मझ ऐतिया केणु आ जै चिंता कांने ला अपड़ि जिन्दगिरा अक पल बि बधैई सकता?

फिरी यीशु अपड़ा चैला सिंउ बौलु, “ऐठणीरै तेईनी आंउ तुहां सिंउ बोलता, कि अपड़ै तेईनी चिंता मेईं करा कि असु कितु खांणु; ना अपड़ि जांनिरै तेईनी कि असु कितु लाणु।

परमेश्वर तुवाड़ै जीवनेरी हर-एकि गलेरी परवाह काता, सै ऐ बि जांणता कि तुवाड़ु शिरा मझ कियोतै शिरवा अत्तै। ऐठणीरै तेईनी डरा मेईं, तुवे चिड़िया किना बि जादै कीमति अत्तै।”

तुवे मिंडी देखभाली मझ भ्रैडा केरै एकि हल्कै झुंडा सैयि अत्तै, ऐठणीरै तेईनी कोस बि गलैरै तेईनी मेईं डरा, केईनी कि जै तुवाड़ा पिता परमेश्वर आ तैस ऐहै बधिया लगु कि तुहांनि स्वर्गेरा राज्य दिया।

पंछिया पन ध्यान देया सै ना बांतै, ना बढ़तै ना तैन्हेरी तूंणी भूंती, तां बि परमेश्वर तैन्हांं पाता। तुवाड़ी कीमत ऐन्हां पंछिया किना जादी आ।

जां ऐठणीरै तेईनी तुवे ऐहीं मेईं सौचा कि कितु खालै, कितु पीलै, ऐसेरी चिंता मेईं करा।

ऐठणीरै तेईनी अगर परमेश्वरा मैदानेरू घाह जै आज आ, पण दोत्तीं आगी मझ सुटि दींणु, जां ऐहीं-चारै सजांता ता हे कमजौर विश्वासियो, सै तुहांनि तैस किना ज्यादै बधिया लिकड़ै किना लुवाला।

केईनी कि जै गलै छापाउरी अत्ति सै गलै अक धियाड़ी परमेश्वरा सभनियांं केरै सांमणै अंणनी; जां कुछ गलै जै चोरी-छपि भूंती सै अक धियाड़ी हर मैहणु तकांणी।