Versículos bíblicos populares de यहुन्ना 21

Compartir

रोटी-पांणी कांना किना बाद यीशु शमौन पतरसा सिंउ बौलु, “हे शमौन! यूहन्नेरै पुत्र! क्या तु सच मझ ऐन्हां किना मूं सिंउ जादा प्रेम काता?” तेनी तेसनी उत्तर दित्ता, “जी हाँ, प्रभु! तुहां पता कि आंउ तुहां सिंउ प्रेम काता।” यीशु पतरसा सिंउ बौलु, मिंडै मेम्‍ना केरी रखवाली कर। यीशु दुबारे तैस सिंउ बौलु, “हे शमौन! यूहन्नेरै पुत्र!” तु मूं सेईतै प्रेम रखता। तां तेनी बौलु, “हाँ प्रभु! तु ता सभ-किछ जांणता। तुहां ता पता कि आंउ तुहां सिंउ प्रेम काता।” यीशु फिरी बौलु, “मिंडिया भ्रैडा चार।” तेनी त्रीं बारी फिरी बौलु, “हे शमौन! यूहन्नेरै पुत्र!” तु मूं सेईतै प्रेम रखता। पतरस उदास भुआ कि त्रीं बारी ऐनि केईनी पुच्छु कि, “क्या तु मूं सेईतै प्रेम रखता।” तां तेनी बौलु, “हाँ प्रभु! तु ता सभ-किछ जांणता। तुहां ता पता कि आंउ तुहां सिंउ प्रेम काता।” यीशु फिरी बौलु, “मिंडिया भ्रैडा चार।”

आंउ तुहां सिंउ सच-सच बोलता कि, जेख्णी तु जुवान थ्या ता तुवे ऐपुवै अपड़ि कमर बंन्ही करि जेदि चहींथ्यै तेदि घुमींथ्यै-फिरींथ्यै। पण जेख्णी तुहां बुढी गांहणु ता तुहां होरै किनि हत्थ फैलांणै, ता होरै मैहणु तुवाड़ी कमर बंन्ही करि तुवे तैठिनी लै गांहणै, जैठिनि गांहणैरा तुवाड़ा मंन ना भूंणा।

तां यीशु तैन्हांं सिंउ बौलु, “किश्तीरै सुमलै पासै जाल सुटा, ता तुहांनि मेईंणी।” तां तैन्हैं जाल सुटा जां तैस जाला मझ योउती मछली फसी गेई कि तेन्हैरै बोलै जाल ना छिकिया।

शमौन पतरसै तैस सिंउ बौलु, “आंउ मछलिया पकड़नानि गांहथा।” तैन्हैं तैस सेईतै बौलु, “असै बि ताउ सेईतै चलतै।” सै चलि पियै जां किश्ती मझ सवार भुवै, पण तैस राती तेन्हांनि किछ ना मैउ।