Versículos bíblicos populares de Maakusiup Aglangit 12

Compartir

Jiisusiup kiuvaa, “Una tavva sivulliqpaujuq piqujanit, ‘Isarialimiungujusi tusarissi! Ataniq Guutivut, taanna Atanituuvuq. Ataniq Guutisi nagligijaksarivasi uummatissinnut tamainnut, tarnissinnullu tamainnut, isumassinnullu tamainnut, pijunnarnissinnullu tamainnut.’ Aippangalu imailivuq, ‘Inuuqatisi nagligijaksarivasi nangminiq nagliginiqtut.’ Asinginnik taakkunangat pillariuniqsanik piqujaqtaqanngilaq.”

Ilinniaqtini qaiqullugit uqautivait, “Sulijumik uqautivassi, taanna uiggarniq ajuqsaqtuq tunisivuq anginiqpaamik asilimaaminit. Asingit tunisivut aturnianngitamingnik ajuqsanngittuugamik; unali arnaq ajuqsaqtuulluni tunisivuq pigijatuaminik, inuujjutiksatuaminiglu.”

Jiisusi tuksiarvigjuap kiinaujairvingata qanigijaanut ingippuq, takunnaalirluni inungnik kiinaujairvingmut iliuqqaijunik. Amisut ajuqsanngittut tunisivut kiinaujanik amisunik. Kingurngagulli uiggarniq ajuqsaqtuq tamaunngarivuq, ilisilluni kiinaujaangnik marruungnik mikijukuluungnik.

Inuk Guutimik nagligusuktuksaungmat uummatiminut tamainnut, isumaminullu tamainnut, pijunnarnirminullu tamainnut, inuuqatiminiglu nagligusuktuksaulluni imminik nagliginirmitut, taakkuak pillariuniqsauvuuk tunirrutauqujaujunit uumajuvinirnik tunirrusirvimi, tunirrutauqujausimajunillu tamainnit.”

Tavva Jiisusiup uqautivait, “Angajuqqaarjuaq Siisari tunisivigisiuk, pinginnik, Guutilu tunisivigilugu pinginnik.” Taakkua Jiisusiup kiujjutinganik kamavigjuaqput.