Versículos bíblicos populares de MATIUS 7

Compartir

“Kir nen nggino yugwi kalok, wokiragin o. Kir nen kwakwi kalok, kwakodagun o. Tu puk-puk ekwi kalok, tu kurogo binagagin o.

Nenaluk, ir akuni nggino yugwi kalok, wogoragin o; ir akuni nen kwakwi kalok, kwaktagun o; ir nen tu puk-puk kugwi kalok, tu kukdagin o.

“Ir An nane kolalku dogolir, wokbiluk ekwi mendek eti, ar ap aklanggar werek mendek nen o palka dogolir, kogona paga makbil eti nggir mendek biluk, o palkige eti ndak-ndak arar o.

Kir akuni nen ekbinagu wadok ketagwi eta kwak, kir nen ir akuni amberak etegerogon ar erinaku dogoni o. Musa nen diru mbalkige mendek o, Ir nabi-nabi nen wene yugu lagugwa mendek o, ilitinggen negen ebe eta ar o.”

Akuni iniluk pano dogumo nggwe, tu ande o, tuwan o, bugudak dibirek o. Nen akuni bugudak mban inil ketagwi o, yiluk yoragage.”

“Kir tu ande bugudak eti paga unggwi lani o! Nenaluk, kali aikmo tuan lektagwi eti tuan obarte nggok ar yago ma, akuni pakalok eti paga lektagwi o.

Kir maduk ekwa kigik ogwe, kir kinakburi pano mendek wogoraurak eti kinilu o. Nen Kinombae mbogor paga mendek nen kwak, ebiluk o! Ta nen ngginongge oba yoga kalok, amendek pano kwak enogo ar wogorigin o.

“Ar Allah nen kir kinuwak dolkinaka kau, kir nen ir akuni amberak inuwak dolinabu maga o. Kir nen akuni ambetak inuwak dolinabugun eti ndak-ndak, Ar Allah nen, kir etegerogon ar kinuwak dolkinabigin o. Kir nen akuni inuwak dolinaku dogolir erugun eti ndak-ndak, Ar Allah nen kir etegerogon ar ekinabigin o.

Nen akuni An nane kolalkwi ogwe, ir nen ebe erir tagodek mendek eti, ar ap o palik nen yiluk, aklanggar dekma o todi paga palkige eti ndak-ndak o.

Kir o obakte mbalek kinilimo werek mendek birkatigik dek ar dogolir, nenaluk kinogari inilimo o amomon kau bikda tagwi? Kar kilimu o obakte mbalek enogo werek kigik, kogarak yoga dogolir, ‘Kilimu o amomon eti wuldagik,’ yiluk yorurak ndak a?

“Ir ap nabi-nabi agur agar mendek warugun yemenaga pik pak dikbano o. Ir inebe nggeo kelo mendek talek arar wagu dogolir, inenggal domba talek ertatuk warugun enaga o. Ir ekwi inobabur paga, kir kinilu arigin. Irikngga adok werek mendek nen anggur enggen ndak-ndak yirigin dek o, nen mumun adok werek mendek nen, o ara enggen ndak-ndak yirigin dek ar o.

O ebe mudi-mudi anggup wulka kalok, enggen eti pano ar yiri taga mendek o, nen o ebe engga tekmbarolek wulka kalok eti, enggen maduk ar yiri taga mendek o.

O ebe mudi-mudi anggup wulka kalok eti, enggen maduk yiri tagodek o, nen o ebe engga tekmbarolek maduk eti nen enggen pano yiri tagodek ar o.

O enggen pano mendek dombok yirir taga dek kalok, edo murogo kali kunigin o.