Versículos bíblicos populares de Génesis 22

Compartir

Ha Abraham ombohéra pe yvy péva: “Ñanderuete ojehechauka”. Upéicha rupi oñembohéra pe cérro ru’ã ko ára kóva peve: “Ñanderuete ojehechauka.”

Ha he’i: Eraha ko’ág̃a nde ra’y, ha’eñomíva, Isaac, rehayhuetévape, ha tereho Moría yvýpe, ha upépe eikuave’ẽ ichupe chéve g̃uarã kuave’ẽmby ramo peteĩ cérro ári Che ha’etahápe ndéve.

Ha pe yvága rembiguái he’i: Ani rehupítei nde po pe mitãre, ha aníke rejapótei hese mba’eve; aikuaáma rekyhyjeha Ñanderuetégui, nerembotovéigui (nerenegái) chehegui nde ra’y peteĩmi jepe.

Ha itúva he’i ichupe: Che ra’y, Ñanderuete ohechaukáta pe ovecha ra’yrusu che aikuave’ẽtava. Ha oho hikuái oñondive.

añetehápe rohovasáta ha amboheta hetavéta ne ñemoñarenguéra umi jasytata árare ojehechávaicha ha pe yvyku’i oĩva pe yguasu rembe’y peguáicha; ha ne ñemoñarenguéra ombopoguýta umi hesekuéra ija’e’ỹva retãnguéra. Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Ko’ã mba’e rire, Ñanderuete oha’ã (oprova) Abrahámpe, ha he’i ichupe: Abraham. Ha ha’e ombohovái ichupe: Péina ápe aĩ.

Upévo Ñanderuete rembiguái (ángel) osapukái ichupe yvága guive, ha he’i: Abraham, Abraham. Ha ha’e he’i: Péina ápe aĩ.

Ha Ñanderuete rembiguái ohenói jevy Abrahámpe yvága guive, ha he’i: Chejehe añe’ẽme’ẽ, he’iuka Penderuete, rejapógui ko’ã mba’e ha nerembotovéigui chehegui, nde ra’y ha’eñomíva jepe

Ha og̃uahẽvo pe yvy Ñanderuete he’i haguépe ichupe, Abraham omopu’ã peteĩ kuave’ẽmby renda, ha omohendapa rire pe jepe’a ojapy ha ojokua ita’ýra Isaácpe, ha omoĩ pe kuave’ẽmby rendápe, pe jepe’a ári.