Versículos bíblicos populares de Lukas 6

Compartir

Enjooi, neishori si ndai; entemet sidai, naitunyokino, neiposhiposhakino, neibukubukori, ninye epiki atua olkila tʼolgoo linyi, amu entemet nitemiemie ndai, ninye etemakinyeki si ndai.

Neitupuku oltung'ani sidai too masaa sidan oltau lenye sidan; neitupuku oltorrono tʼentorroni ntorrok; amu enkiganyata oltau eiro enkutuk enye.

Kake entonyor ilmang'ati linyi; entobira sidan, esilenokiti, nimianyunyu toki; neaku olkwaje linyi kitok nipuopuo aaku nkera Olotii shumata naleng', amu ebor ninye too lemejo ashe o too ltorrok.

Entaa loonana oshuak anaa peata Minyi linyi engoshoke nanana.

Emingwenaki, pemeigwenakini si ndai; emiar tʼenkigwena, pemeari si ndai. Entung'aikiti, neing'uaikini si ndai.

Kake aliki ndai lining'itoto: Entonyor ilmang'ati linyi, entobirakiti sidan looiba ndai, entamayan loodek ndai, entasayakiti loosukeny ndai.

Ore neijia anaa piyeuu neitobiraki iltung'anak ndai, neijia entobirakiti si ndai ninje.

Olikiosh eseder nabo, mbelekenyaki ninye baiki engai; olikioru enkila ino, mimitiki ninye baiki emekiti. Olikiomonu iye, njoo ninye; olikioru masaa inono, mintoki aikilikwanu.

Metii oljani sidai oiu ilmomo torrok, nemeitoki atii oljani torrono oiu ilmomo sidan.

Amu eyolounye pookin too lmomo lenyena oopeny. Amu meng'eru oltung'ani ilng'abolo too lbibia, nemeng'eru lama too ntulele.