Versículos bíblicos populares de Mataayo 18

Compartir

Ko bhoora igha, hano bhasikana hamwë abhantö bhabhërë handë bhatatö ku iriina iryane, öni wonswe kunyoora örë hamwë ndë nabho.”

No-bhoheene nkobhatëëbhya igha, abhantö abhabhërë mö-bhëënyu hano bharaaighwerrane ko-kebhara kono, ko-keno bharaasabhe Taata uwa mu-ryobha, naraabhahaane.

“Nawë omonene bhököngʼu mo-Bhokama ubhwa Waryobha?” Yëësu akabherekera omoona omoke, akamwimërrya ghatë yaabho hayö. Akabhatëëbhya igha, “No-bhoheene nkobhatëëbhya igha, hano motaabhe kya abhaana abhake, temosohe mo-Bhokama ubhwa Waryobha hë.

Ku bhuyö, ömöntö wowonswe igho ono akwihoota kya omoona omoke ono, uyö we arebha omonene mo-Bhokama ubhwa Waryobha.

Ghwiki ni-igha, ömöntö wowonswe ono akösërëënia omoona umutuuya kya ono ku iriina iryane, uyö nö-öni ukunyoora asërëënëri.

“No-bhoheene nkobhatëëbhya igha, ghonswe igho ghano moraange ko-kebhara kono, noraanyoore Waryobha we aghangirë ukurwa mu-ryobha. Ghwiki ni-igha, ghonswe igho ghano moraaikërri ko-kebhara kono, noraanyoore Waryobha we aghaikërëëyi ukurwa mu-ryobha.

Ho bhoono Yëësu yaamarërrëëyi ko okobhatëëbhya igha, “Taata uwa mu-ryobha wonswe, ni-igho arebhakorra hano moraange ukwabhera bharikyënyu.”

“Kasi hano ömöntö araakore omoona ömwë mo-bhaana abhake bhano bhakunkumya asire, kora akore ëbhëbhë, nyakara ömöntö kya uyö, abhoherwe mö-bhëghöti oroghena oronene urwa okoseera, atabhutwe mu-bhuribha ghatë.

Iyakë bhëënyu mokomaaha, hano oraanyoore ömöntö aana amangʼöndi righana, rimwë risire, iyakë araakore? Taatighe hayö amangʼöndi merongo kenda na kenda ghayö ku-singuku, aghi ukutuna rimwë reno risirrë?