Versículos bíblicos populares de Lukase 17

Compartir

Yěsô leen ńké ńgɔɔn mbwo nyìŋ Samalîɛ ŋwɛ́ ngie: Lu ssé ńgʉa, e Ssé gÿǒ ɔ̀ tsẅɛ́, ńtí pá’ ɔ̀ zǎb ntʉ́m ɔ́ ná mèŋ.

Efó ńzɔ́gɔ ta’a lyɛ̌’ ńgÿo nò tepòŋ ná yé pɔ́ ngʉ̀a sɔɔn mbʉ́a, ḿbiŋ ńtó ngʉ̀a sɔɔn mbʉ́a, ńzẅíŋ mefʉ̀a mbwo yé, á lege ńnáa mbwo yé.

Atsɔ̌ tà’ ná pɔ́b gyá pá’ à zeŋé, ḿbiŋ nzèm, ńkwé’e ngyè ye ńnáa tÿǒ ńdɔg ńgú’te Ssé. Ńtó ńnuŋe mekwò Yěsô, ńcÿɔ’ɔ zí yé ssé, ńná ndǎg mbwo yé. Angàŋ laa nyìŋ Samalîɛ.

Pi ké ńdaga twó gí nà shwóŋè gí. Mémá nyìŋ lɔɔn ńgÿo nò tepòŋ ná yé, á pʉ́le pʉlé shwóŋó yé, á zẅíŋe mefʉ̀a, á lege ńnáa mbwo yé.

Yěsô leen ńké ńgɔɔn ngie: Pʉ̀a legém pǔ ńzeŋe, pe lepfwɔ’ɔ́ gwɔ́ pɔ́ nzɔ̌?

Yěsô gɔɔn ngie, lesɔɔn sésɔg ée mmó ńkɔ́g tɛ’, nyìŋ gẅi zɔɔn ńzáb ntʉ́m wé nà Ssé mbɔɔ méjʉ’ pú’u, mbà à ge gɔɔn né tÿǒ gie á tyé lɛ ngie: Tsɔ́’ɔ ńgʉa ńtyé tsɛ̀ɛ mmí, à jú’ ncwò wé.

Nyìŋ gẅie à ge gÿo fà’a lépɔ́ɔn we le gwɔ́, à ge gÿo pyé, nyìŋ gẅie à zẅiŋé lépyé, yé zɔ gÿo ńgwɔ́ wó.

Yěsô gíŋe ńgɔɔn né ngàŋa nkwò yé ngie: Ammó gie ńgwɔ́ mé fó mǒ fʉa nò, á lɔɔn ńgwɔ́ á le zág. Tá’, ashÿó tepòŋ, aa nyìŋ gẅie à ge gÿo nyìŋ fʉa nò. Mvfò ee pá’ ńgwɔ́ mé cʉŋe máamáa tóon lóŋ ngàŋ, ḿma’a yé tsɛ̀ɛ mmí, ńcʉa pá’ à lɔɔn ńgwɔ́ mé nyé yé, á gÿo tà tsɔ̌ tà’ ná mecʉ̀cʉ̀ŋ pɔ́ɔn cʉa ná yé tá fʉa nò.

À ge lá’ gwaa tó menò mie é la gÿo fʉ̀’e Noá gíŋe ńgÿo. Á laa fʉ̀’ó, epʉ̀a mesoŋ ně ḿpfɛ́ɛ shúm, ńnúu melù’, ńně ńdɔ́ɔn ndá, ńnáa púɔ pɔ́b lɔ́ɔn ndá, tà ńkú lyɛ̌’ gie Noá la kúu tsɛ̀ɛ páŋ. Ntse kwɔ́’ ḿbú ḿbyága wɔ́b metsèm.