Versículos bíblicos populares de Genese 6

Compartir

Mutshima wa Yehowa wakanyingalala bualu bua yeye wakafuka bantu ha buloba, kanyinganyinga kakadi mu mutshima wandi.

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Kadi Noa wakasangana luse ku mesu kua Yehowa.

Eku nkulondolola kua malu a Noa. Noa wakadi muntu muimpe, wakadi muakane tshishiki mu tshikondo tshiandi, Noa wakendakana ne Nzambi.

Yehowa wakamba ne, Nenjimishe bantu banakafuka ha buloba, ne bantu ne nyama ne bintu bidi bidikoka hanshi ne nyunyu ya mulu, bualu bua mutshima wanyi udi munyingalale bua nakabifuka.

Hakabanga bantu kusangana ba bungi ha buloba ne hakalelabo bana bakashi, bansongalume ba bantu ba Nzambi bakamona bana bakashi ba bantu ba tshianana ne, Mbalengele, bakasungula bonso bakasuabo bu bakashi babo Yehowa wakamba ne, Nyuma wanyi kena utendekena bantu tshiendelele, bualu bua badi anu ba ha buloba, ne matuku abo neikale bidimu lukama ne makumi abidi. Mu matuku au bantu banene ba nfiondo bakadi ha buloba, ne hakaya bansongalume ba bantu ba Nzambi kudi bansongakashi ba bantu ba tshianana, bakalela nʼabo bana Bobo bakadi bantu banene ba kale ne ba butumbi.

Noa wakenza nunku, wakenza muanda yonso yakamuambila Nzambi.

Nzambi wakambila Noa ne, Kunshikidilu kua bantu bonso kuakufika ku mpala kuanyi bualu bua buloba budi bûle tente ne mayoyo bualu buabo, mona, nembajimishe ne buloba hamue.

Enza biebe buatu ne mutshi wa gopher, enza nsubu mikese munda mua buatu ne laba kamonyi munda mua buatu ne ku nyima kuabu kabidi.

Nzambi wakatangila buloba ne monai, buakadi bunyanguka, bualu bua bantu bonso bakanyanguka mu bienzedi biabo bia ha buloba.

Buela mu buatu ne bintu bibidi bia tshintu tshionso tshidi ne muoyo, bua kusungila mioyo ya bintu, buela ne mulume ne mukashi ba bintu bionso