Versículos bíblicos populares de Marko 13

Compartir

E dhanu ceke gibidaguwu kum nyinga: ento ng’atu ma biciro cil i kajikne, ng’atuno e ma biboth.

Wukuru, wuki man wurwo: kum wung’eyo kanindone ngo.

E ka gipeyowu ba titi, gimiowu de, cwinywu kud ular uring kum lembe ma wubiyero: ento gin ma tek bimire iwu i saa maeno, wuyer maeno; kum en e wun ungo m’uyero, ento Tipo Maleng’.

polo ku ng’om de bikadhu woko: ento lembe para bikadhu woko ngo.

Ento ceng’ maeno kadi saa maeno ng’atu moko mbe m’ung’eyo, cil malaika mi polo, kadok Wod de, ento Wego re.

E ka wubiwinjo pir ali ku rwong ali de cwinywu kud ung’abre: gin maeni bikotimbre be; ento kajikne fodi.

Ka kumeno wuki: kum wung’eyo ngo kabino pa rwoth ma won ot, tek en e uthieno, kadi diewor ma ling’, kadi i kok pa gweno, kadi kugweno; kara tek ebino pio kud enwang’ wunindo. Man gin m’awacu iwu awacu ni dhanu ceke, Wuki.

Kum thek bijai kum thek wadi, ker de kum ker wadi; digidi de bibedo nuti tak tak; ndru de bipodho: gin maeni en e landu wi can.

Man lembanyong’a ma juboth ko jubikolar yero be ni thek ceke.

Dhanu dupa bibino i nyinga, gibiwacu kumae, An a en; man gibiwingo dhanu dupa.

Ento dong’ wukuru giwu: kum jubikethowu i wang’ dilo i kacokri de jubifodowu; wubicungo i wang’ jubim ku ju m’ubimo de pira, ni lembatuca igi.

kum ju ma Kristu mi ndra ku jubila mi ndra i de gibiwok, gibinyutho giranyutha ku musana de, kara giwing ko ju ma jugoyo nying’gi de, tek ecopre.

Ento i ceng’ maeno, yo ng’ei masendi maeno, ceng’ biyutho, dwi de birij eny ungo, cero de bipodho kud i polo, tego mi polo de biyengre.