Versículos bíblicos populares de Matius 3

Compartir

Ane bongko medea-mokoi ngkai jeko'-ni, babehi-mokoi gau' to lompe'.

Oti toe, ra'epe-mi lolita Alata'ala ngkai langi' to mpo'uli': ”Hi'a toi-mi ana'-ku to kupe'ahi'. Hi'a-mi to mpakagoe' nono-ku.”

Ka'oti-na Yesus raniu', mencore-imi ngkai rala ue. Tebea ncorobaa-mi langi', pai' nahilo-hawo, Inoha' Alata'ala mana'u tumai hewa danci mangkebodo, hompo hi Hi'a.

Na'uli' wo'o-mi Yohanes: ”Aku' toi mponiu'-koi hante ue, tanda kamedea-ni ngkai jeko'-ni. Tapi' tumai-i mpai' ngkabokoa' ngkai aku' hadua to meliu kuasa-na ngkai aku'. Bangku' jadi' pahawaa'-na to mpokeni sapatu'-na, uma-a-kuwo natao. Hi'a mpai' to mponiu'-koi hante Inoha' Tomoroli' pai' hante apu.

Neo' rata-mi pehuku' Alata'ala! Pehuku'-na hewa pati to rodo ami'-mi hi tawu kaju. Butu ngkaju-na to uma lompe' wua'-na, bate ratoki pai' ratene' hi rala apu.”

Yohanes toe-imi to nalowa nabi Yesaya owi. Na'uli' Yesaya hewa toi: ”Ria tauna to mekio' hi papada to wao', na'uli': ’Neo' rata-imi Pue'! Porodo ami'-miki ohea-na. Nipakalempe ami'-mi ohea to natara mpai'.’ ”