Versículos bíblicos populares de Yohanes 3

Compartir

Hewa toi-mi Alata'ala mpoka'ahi' hawe'ea tauna hi dunia', alaa-na napewai' Ana'-na to Hadudua, bona hema–hema to mepangala' hi Ana'-na toe, uma-ra mporata huku', tapi' mporata-ra katuwua' to lompe' duu' kahae–hae-na.

Bela patuju-na Alata'ala mposuro Ana'-na tumai hi dunia' bona mpohuku' manusia'. Patuju-na mposuro Ana'-na tumai-le, bona mpohore manusia' ngkai huku' jeko'-ra.

Na'uli' Yesus mpo'uli'-ki: ”Makono mpu'u lolita-ku toi: Ane tauna uma putu nculii', uma-i mpai' jadi' ntodea Alata'ala hi rala Kamagaua'-na.”

Tauna to mepangala' hi Ana' Alata'ala, uma-ra rahuku'. Aga tauna to uma mepangala', monoa'-mi kanahuku'-ra Alata'ala, apa' uma-ra dota mepangala' hi Ana' Alata'ala to Hadudua toei.

Rata-imi hi dunia' mpokeni baja hi hawe'ea tauna. Tapi' manusia' mpokono-pi bengi ngkai baja, apa' dada'a kehi-ra. Toe pai' Alata'ala mpohuku'-ra.

Hi'a-mi to kana tepaiwongko tuwu'-na, pai' aku' kana tepai'ara' tuwu'-ku.”

Hawe'ea tauna to mpobabehi kehi to dada'a, mpokahuku' baja. Uma-ra dota rata hi kabajaa-na, bona neo' mpai' kahiloa kehi-ra to dada'a.

Tauna to mepangala' hi Ana'-na toei, mporata-ramo katuwua' to lompe' duu' kahae–hae-na. Tauna to uma mengkoru hi Ana'-na toei, uma-ra mporata katuwua'. Mporata roe Alata'ala lau-rada duu' kahae–hae-na.

”Owi hi papada to wao', nabi Musa mpobabehi lence ule ngkai ngkala, pai' natu'u hi doe hampole kaju pai' natunya' napopokore. Hema–hema to natilo' ule, ane rangoa' lence ule ngkala toe, tuwu' moto-ra. Jadi', hewa ule ngkala toe rapokalangko owi, wae wo'o mpai' Aku' Ana' Manusia' kana rapokalangko

Alata'ala to Tuama mpoka'ahi' Ana'-na, pai' nawai'-imi hawe'ea kuasa-na.