Versículos bíblicos populares de Yohanes 14

Compartir

”Kalompea' kutu'u-kokoi. Kalompea' to ngkai Aku' moto-mi to kuwai'-kokoi. To kuwai'-kokoi toi-e, uma hewa to nirata ngkai dunia' toi. Neo' susa' nono-ni, pai' neo' me'eka'.

Na'uli' Yesus: ”Aku' toi-mi ohea, Aku' to makono, pai' to mpowai' katuwua'. Uma haduaa to rata hi Tuama-ku, ane uma ntara hi Aku'.

Na'uli' Yesus mpo'uli'-raka ana'guru-na: ”Neo' susa' nono-ni! Mepangala'-mokoi hi Alata'ala, pai' mepangala' wo'o-koi hi Aku'.

Tapi' ane rata-ipi mpai' Inoha' Tomoroli', Hi'a-mi to mpotudui'-koi butu nyala-na, pai' napopokiwoii-koi hawe'ea to oti-mi ku'uli'-kokoi, apa' Hi'a-mi Topetulungi to nahubui tumai Tuama-ku jadi' sulewata-ku.

”Tauna to mpotarima pai' mpotuku' hawa'-ku, hira'-mi to mpoka'ahi'-a. Tuama-ku mpoka'ahi' tauna to mpoka'ahi'-a, pai' Aku' wo'o mpoka'ahi'-ra, pai' kupopohiloi-ra woto-ku.”

Kuperapi' hi Tuama-ku, bona nawai'-koi hadua Topetulungi to ntani'-na, bona Hi'a-damo mpodohei-koi duu' kahae–hae-na. Topetulungi toei, Hi'a-mi Inoha' Alata'ala, to mpotete'-koi hi tudui' to makono. Tauna to uma mepangala' uma bisa mpotarima-i, apa' uma-i rahiloi pai' uma wo'o-i ra'incai. Aga koi', ni'inca-imi, apa' nadohei-mokoi wae lau, pai' mo'oha'-i mpai' hi rala nono-ni.

Jadi', napa–napa to niperapi' hante hanga'-ku, bate kuwai'-koi, bona to kubabehi toe mpobila' Tuama-ku. Ba napa–napa to niperapi' hante hanga'-ku, kuwai'-koi.

”Ane nipoka'ahi'-a, nituku'-mi hawa'-ku.

Hi tomi Tuama-ku, wori' po'ohaa'. Hilou-a mporodo-kokoi po'ohaa'-ni. Ane ke uma hewa toe, ke uma-hawo ku'uli'-kokoi.

Ane hudu-a-damo mporodo po'ohaa'-ni, nculii' moto-a mpai' tumai mpo'ala'-koi, kukeni-koi hilou hi po'ohaa'-ku, bona hiapa po'ohaa'-ku, hi ree wo'o-koi dohe-ku.

Na'uli' Tomas: ”Uma-kaiwo ki'incai hiapa kahilouaa-nu Pue'. Beiwa-kaina kaki'inca-na ohea-nae?”