Versículos bíblicos populares de YOHANES 1

Compartir

Kude naan ulun sa narime hanye nelang parisaya ma hanye; here naami hak jari anak Alatalla

Mulani, kapihuan dunia nasanyari, Firman haut naan. Firman naan baya Alatalla Firman sameh anri Alatalla.

Piraai yiru nyahaya hawuang piieng, nelang piieng puang kaiyuh nampareni.

Firman yiru haut jari murunsia, hanye muneng hang penah takam, nelang takam haut kadinung pihante muliani. Pihante mulia yiru natarimeni yalah anak tungkan Ambah. Mitah hanye takam kadinung Alatalla nelang ahi leloni ma takam.

Ala katantuluh nasanyari mitah hanye, nelang teka ala katantuluh sa naan, pauweng sunah isa nasanyari puang mitah hanye. Firman yiru putut pamelum, nelang pamelum yiru ngami piraai ma murunsia.

Hang anrau kaunini, hi Yohanes kadinung Yesus hawi nunung hanye. Balalu hi Yohanes kaeau, “Dinung, iru Anak Babiri wat Alatalla sa muhut dosa dunia.

Firman yiru naan hang dunia, Dunia nasanyari mitah hanye, kude dunia puang kataru hanye. Hanye hawi ma tane ranuni raerai kude bangsani puang narime hanye.

Piraai sa sajati, sa ngampi raai katuluh murunsia, hawi ma dunia.

Hukum Tuhan natarime takam mitah hi Moses, kude ahi lelo nelang kasatiaan Alatalla natantarang mitah Yesus Kristus.