Versículos bíblicos populares de YAHYA 1

Compartir

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala

Tobohulio, tou̒ diipo dunia pilowali mai, Tahuda boito mailoluo. Tahuda woluo pee̒-pee̒enta wolo Allahu Taa̒ala. Wau Tahuda tutuuwauwa wolo Allahu Taa̒ala.

Tilango boito tinetinelo tou̒ modio̒lomo, wau modio̒lomo diila mowali momate tilango boito.

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio. Tahuda boito bungo lo tutumulo, wau tutumulo boito mongohi mai tilango tomanusia.

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

Tahuda woluo todunia, dunia pilowali mai lotimbulude o-Lio, bo dunia diila moo̒onuhe o-Lio. Tio dungga-dungga mai odelipu-Lio lohihilao bo bangusaa-Lio diila mololimo o-Lio.

Tilango ututuulio tutu u mopo baangai ngoa̒amila tau dungga mai ode dunia.

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.