Versículos bíblicos populares de ILOOWALI 3

Compartir

Taabua boito loo̒onto mao̒ deu̒ hungo lo ayu boito mopiohe, wau hungolio oontonga mopiohe aaloolo. Wau tio lomikilangi mola donggo boli piohio wonu tio mowali aaripu. Sababu uito tio malolipu hungo lo ayu boito, tulusi ililaalio, wau yilohilio mao̒ olo to dilelio, wau dilelio poli mailonga.

Tulidee yito binatangi ulaba-labaalo tutu o aakali moleeto monto totoonulalo binatangi u pilopowali mai lo EEYA Allahu Taa̒ala. Tulidee boito lohintu mao̒ ode taabua boito, “Wolo Allahu Taa̒ala otu-otutuulo mao̒ modini olimongoli mongaa huhuu-ngowaalo monto totoonulalo bungo lo ayu totamani botie?”

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

Lapatao̒ tahuda lo EEYA ode taabua boito, “Wau̒ mamo duhengai ngongotumu tou̒ yio̒ donggo banta-bantaalo wau tou̒ yio̒ motutu mai. Bo penu boli odito, yio̒ debo donggo obirahi to dilemu, bo yio̒ mataa̒luku mao̒ to olio.”

Yio̒ maa mokalaja wolo tio̒opatea wau wulaatalo u mohutu huta botie mongohi mai tilapulo u hitua-tuawua, tunggula yio̒ mohualinga ode huta, sababu lonto hutaalo yio̒ pilohutu. Yio̒ pilopowali mai monto huta, wau mamuli mohualingao̒ ode huta.”

Lapatao̒ tahuda lo EEYA ode talolai̒ boito, “Yio̒ helo dungohe loi̒ya li dilemu tulusi lolamela hungo u madilini-U̒ tamelomu. Kalana huhutuumu boito, yi huta malaa̒-laa̒anati. Yio̒ musi tio̒opatea mokalaja ngotupa lo tutumulumu alihu huta botie mowali mongohi mai tilapulo moo̒ tuheeto tou̒ aalomu.

“Tatoonu talo poo̒taa olemu deu̒ yio̒ laalaala?” Allahu Taa̒ala lotahuda mao̒. “Wolo yio̒ malo lamelo hungo u dilini-U̒ boito?”

Lapatao̒, to ambahu timuru lo tamani boito totalu lohuhebu potuwotalo, EEYA Allahu Taa̒ala lopo tambati mao̒ mamaa-lai̒katiyalo u opolipio̒, wau wamilo tuwau otulu u totooyonga ode totoonulalo dulungo, huna modaha dalalo ode bungo lo ayu u mongohi tutumulo boito. Lou̒ odito diaaluo penu boli ngotaa mao̒ tamoo̒ tuwotao̒ wau mohimbideo̒ bungo lo ayu boito.

Tei Adamu lolanggula dilelio ti Hawa, kalana taabua boito lowali tiilo ngoa̒amila umati lo manusia.