Versículos bíblicos populares de MÁFIYU 15

Compartir

Kɛ́ ngoí núi áá kulá la í ndé, aá lɔ́ɔ gúla ndií h̃u, nátii pa tɔ taá nuí ɣɛ́ ngáá kpaló mba w̃ɔ́i Ngala fɛ́lindai h̃u. Sífaa, núi gí mai lɔ́ kisiyá ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbo, í ŋúỹa wó, í káha hééle woo le, ɛ́ɣɛ í maaboo ngoo le kɔwɔ́ato nungáá véka wa.

Mɛɛníi sí núi áá mɛ ɛ́ɣɛ sí áá kpɔ́le, aá láa le áá núi ná ɣɛ́ ngáá kpaló mba w̃ɔ́ɔ́ Ngala fɛ́li fááw̃a, kɛ́ ngói sítii taa gúla nda áá nde, aá lɔ áá kɛ ngáá kpaló mba w̃ɔ́ɔ.”

‘Nungái sítii taá wúfe má ngáá laa wóo, kɛ́ ti liítii maa gooh̃ángɔɔ lé mbá. Kulasuunúma aa ti yɛ fɛ́lindai h̃u, bɔw̃álale, taá ɣɛ taá nuu búsa hávai ɣɛ ngáá nungáitii kíya kpéiŋ áá ɣɛ́ ngáá ní háva!’ ”

Kɛ Jísu i nyah̃ápoi woo yápotea, i ɣɛ ma, “Yá lɔ ngáá nyah̃á í lángi h̃úúbangɔ! Sí í lóngɔ lá aá lɔ́ɔ ɣɛ́ í yɛ́.” Ngamá nɔ́ɔ, nyah̃ápoi ỹáh̃aloi i walóni.

Ná Jísu í fái sí léni, nyah̃ápoi i vaí, í lá mbɛ, i ɣɛ ma, “Kawálai, bɔ́ mba kái!” Jísu i ɣɛ ta, “Aa pele w̃a ngáá nuu ɔ́ɔ́ ndopóaitii ti ỹɛ́nii yéɣe ɔ́ɔ́ píli kékeaitii mbɛ.” Kɛ́ nyah̃ápoi i ɣɛi ta, “Tɔɔỹaá le, kawálai, kɛ́ laáva kékeaitii kéle tɔ taá mɛ́ɛ́ni búlu kpúlungi ỹɛ áá híɣe ti lo mbélaitii ti léévei ya áá gúla ndɔwɔlɔ́i wa.”