Versículos bíblicos populares de NJƆÚ 6

Compartir

Kɛ Jísu i mɔɔ ɣɛa ta, “Nyá lɔ ngí ngáá ndɛɛh̃ú w̃aahɔ́lɔ bílei. Nuí fíli áá ɣɛ́ ngáá pólu w̃ɔ́ɔ ɛi li ngáá ndɔlɛ ɛ́ɣɛ múl̃ɔ nuí fíli áá lá ngáá ngé njɛ w̃ɔní ɛ́i sou kúnafɔ.

Hɛ́ɛ́ma Ỹínangi aa kúnafɔ lɛ́ɛ́h̃ui he, kɛ́ nuu búsa yákpa ngɛi faa fíli kɛ́ su. Ngoí sítii ngí ndénga wú w̃a tiyá lɔ́ táa kɛ ngáá háwu Hɛ́ɛ́ma Ỹínangi áá ɣɛ́ wú vólu ɛ́ɣɛ í kɛ wú kúnafɔ lɛɛh̃uí w̃aahɔ́lɔ.

A waa yénge mɛɛníi sí hááw̃a ɛ́i lɛ́mbi, kɛ́ aá ɣéle, a yenge mɛɛníi sí hááw̃a áá lɛ́mbi aáva wáá kúnafɔ lɛ́ɛ́h̃ui w̃aahɔ́lɔ su. Mɛɛníi sí nuí síí w̃ɔ́i taa ɣɛ́ ma Nuu Búsa Goo H̃ú Loí áá fé wú yáá. Sífaa, laa lɔ Ngalá ngí ngakpá féngɔ ngeyá í ngáá Kɛɛɣɛi Ngalá tókovongi í ma.”

Sífaa sí ní Kɛ́ɛ́ɣɛ Ngalá ndóngɔ lá aá wáá ngáá, nuí fíli áá lokohéi ngi H̃íỹɛndou Loí wu, i lá la, maa w̃ɔ́i i kúnafɔ lɛɛh̃úi w̃aahɔ́lɔ. Nyáá va ngáá maa w̃ɔ́i yooɣé saí h̃u, ngí ngangáima ndɛɛh̃úi h̃u ngakɛɛlɛ́ fóloi w̃a.”

Jísu i ti woo yápoteni, i ɣɛ ti w̃a, “Sí Ngalá ndongɔ́ wú kɛ aá wáá ngáá, wú lá ngáá nuí sí í tɔvengá.”

Nungái sítii kínɛi ní Kɛ́ɛ́ɣɛ Ngalá ngáá ti he ngéya ngáá ní ndá, taá ɣɛ́ ngáá pólu yélaa, aáva nuí fíli áá ɣɛ́ ngáá pólu w̃ɔ́ɔ, ngɛ́i kpɛ volú kúnafɔ.

Kɛ Sáimɔ Pítɛ i ngoo yápotenga, i ɣɛ ma, “Kɛɛɣɛ́, naá lí ele yelé? Ngoi kúnafɔ lɛ́ɛ́h̃ui í su, yá lɔ́ í í yáá.

Nyá lɔ́ ngí ngáá ndɛɛh̃ú w̃ááhɔlɔ bílei, ngí híɣengɔ ngelegóóh̃u, nuí fíli pá áá ndɛɛh̃u bílei sí ta ỹɛ, maa w̃ɔ́i lɛɛh̃uí aa lo ná kúnafɔ. Maa bílei sí va mbáá ngáá ndúwui, laá lɔ́ ngí féngɔ nuu búsa lɛɛh̃úi hááw̃a ngelewu.”

Nuu fíli ɛi ɣɛ ngáá pólu w̃ɔɔ kɛ léi Kɛɛɣɛí Ngalá í tɔ́vengɔ í kɛ ngáá háwu maa w̃ɔ́i í vá ngéle ngáá í ɣɛ́ ngáá pólu w̃ɔɔ. Aáva ngáá maa w̃ɔ́i yóóɣe saí h̃u, ngí ngangáima kúnafɔ lɛɛh̃úi h̃u ngakɛɛlɛ́ fóloi w̃a.

Ngalángi biléi sí waa ngáá nuí sí áá hiɣe ngelegóóh̃u aáva áá ndɛɛh̃ú gítei hé nungái mbɛ ngelewu.”

Nyá lɔ́ ngí ngáá ndɛɛh̃ú w̃aahɔ́lɔ bílei.

Kɛ Jísu i maa bílei ná yeɣéa, í sɛ́ɣɛɛ gula Ngalá ma faaw̃a, í fé ngáá tí ngakɔ́lɛ wɔlɛ́ sítii mba ti ɣɛ́i héini, aáva ngimɔ́ɔ́ nɔ́ɔ í kɛ́ni ngáá nyɛí bɛ́lɛ. Ti kpɛ́lɛɛ tí laaỹɛ́ni i kúlaɣɛ. Ná naá nungái kpɛ́lɛɛ ti ɣɛ́i mɛɛní ỹɛní ti góó í he, kɛ Jísu i ɣɛa vólu yélaitii ma, “A mata yalé ngálengɔi kpɛ́lɛɛ ngátɛ mba, ta fíli álaa ỹááni.”

Ná naá tí ɣɛ́i háwa yiláá síya mbó máá gɛɣɛ́laa h̃úúhiyani njɛí ya, kɛ tí Jísu lɔngá áá híya njɛí ya áá vá keléngi gakála. Nduwá wála i vuní ti h̃u. Kɛ́ Jísu i yɛpɛní ti yelé, i ɣɛ ti w̃a, “A wáá lúwa, nyáá le.”