Versículos bíblicos populares de NJƆÚ 11

Compartir

Kɛ Jísu i mɔɔ ɣɛa ma, “Nyá lɔ́ ngáá nungái mbuyoɣé saí h̃u ɛ́ɣɛ nyá lɔ́ ngaa ndɛɛh̃u gítei hé. Nuí fíli áá la ngáá ngé, maa w̃ɔ́i aa ɣɛ ndɛɛh̃ú gítei h̃u, ɔ́ɔ́ bɔ́ɔ́ ha bɛ́lɛ ngeleí sí wu. Nuí fíli pá áá ɣɛ́ ndɛɛh̃úi h̃u, aáva í lá ngáá ngé, maa w̃ɔ́i ɛi saa gítei w̃aahɔ́lɔ. Í lángɔɔ lé ngáá faí sí ngí ndéngɔ?”

Jísu i ngoo yápoteni, i ɣɛ ma, “Ngáá ndengɔ́ í w̃a ngáá yá lɔɔ vá tɔma kíya Ngalá káámaangɔ na nɔɔ́ nda ngáá ɣɛ í h̃u?”

Jísu yaah̃ú wɔɔ́yai i vuni.

Ná Jísu í keela woí sí ỹɛ́nini, i ɣɛi ta, “Seebɛí sí wu ngáá gulamá ngáá saá. Kɛ́ faí sí i ɣɛa nɔ́ɔ kɛinɔɔ́ nungáá ti tɔ kíya Ngalá káámaangɔ. Ná vólu, tí tɔ kíya Ngalángi H̃íỹɛndou Loí gáámaangɔ.”

Ná Jísu i ɣɛ́i náá ngoí sí léni, kɛ i tolíngi wongá woo wála h̃u, i ɣɛ ta, “Lásɔlɔ, gula!” Kɛ Lásɔlɔ saangɔ́ í ɣɛ́i la, i gulangá kambái h̃u, tokói taa kɔwɔí w̃aayelé mbélengɔ ngáá puw̃a gúlai, ná vólu, kulaí yelé mbélengɔ ngaah̃ú. Kɛ Jísu i ɣɛa nungáitii ma, “A puw̃a gúlai nátii kulá gulá ma, wú bé mba í lí.”

Jísu lii yá ngáá ɣɛi nɛɛni kulo bɛ́lɛ múl̃ɔ, kɛ i líínga kambái ŋál̃a mbɔngɔ í ɣɛ́i la ngáá kɔtú wokóngi. Ndaa vɛ́lɛngɔ i ɣɛi la ngáá kɔtu hɛvɛ́ wála.

Ná Jísu í faí sítiini ndení, i mɔɔ ndií ngu ma, i ɣɛ ta, “A mu mbálai Lásɔlɔ aá lɔ́ náa lái nyii h̃u, kɛ́ nyá lɔɔ́ lí ngí maaléve.”