Versículos bíblicos populares de Mattheos 7

Compartir

Da po, kinhan nic̣upi kta; ode po, kinhan iyeyayapi kta; en katoto po, kinhan niciyuḣdokapi kta.

Tuwe da eca icu ece; qa tuwe ode eca iyeya ece; qa tuwe tiyopa katoto eca he kiciyuḣdokapi ece.

Heon etanhan tuwe mioie kin dena naḣon, qa ecen econ kinhan, he wicaśta ksapa e imdacin kta, he qe imnija wan akan ti kicaga.

Heon etanhan taku tona wicaśta ecaniconpi kta yacinpi kinhan, hena owasin ecawicakicon po; woope qa wicaśta wokcanpi kin iho hee.

Tuka tiyopa kin ciqadan qa canku nakun ocistiyedan wiconi iyahde; qa wicaśta tonana iyeyapi ece.

Tiyopa ciqadan kin he ohna ya po; Tiyopa kin tanka qa canku nakun tanka wicotakuniśni iyahde, qa ohna iyayapi kin wicota ḣinca.

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Wayacopi śni po, hecen niyacopi kte śni. Woyaco tukte e on wadacopi hecinhan he on niś eya niyacopi kta; qa wiyutapi tukte e on widutapi eca hee on winiciyutapi ece e kta.

Qa tuwe mioie kin dena naḣon, tuka ecen econ śni kinhan, he wicaśta witkotkoka iyececa, he wiyaka akan tipi kicaga.

Qa nisunka iśta kin en takuśni yanka e tokeca wandaka he; qa cankaga wan niiśta ohna yanke cin he wanyahdake śni. Qa iś token nisunka, Ito niiśta kin etanhan takuśni kin icicicu kta, eyakiye kta he; qa iho, cankaga wan niiśta ohna yanka ce.

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi. Waskuyeca tawapi kin on sdonwicayayapi kta. Wicaśta wapepeka etanhan hastanhanka yuśpipi he, qa toka hu kin etanhan suken waskuyeca icupi he.

He iyecen can waśte owasin waskuyeca waśte icaḣya ece; tuka can śice cin waskuyeca śica aicaga ece.

Can waśte kin he waskuyeca śica icahye kta ohihi śni; qa nakun can śice cin he waskuyeca waśte icaḣye kta ohihi śni.

Can otoiyohi waskuyeca waśte aicage śni kin he kawankapi qa petan eḣpeyapi ece.