Versículos bíblicos populares de Johannes 19

Compartir

Unkan Jesus mini śkumna icu qehan, Wanna yuśtanpi ce, eya; hehan pa makata iyeye c̣a taniya kin hiyuya.

Wanna taku kin owasin ecetu Jesus wanyaka, qa wowapi en kagapi qon iyecetu kta e heon, Imapuza ce, eya.

Jesus hunku wanhdaka, qa en icunonpa ikiyadan waonspewicakiye cin wanji iyotan kidake ciqon wanhdaka, unkan, Winoḣinca, nicinkśi kin hee ce, hunku kin eciya. Qa waonspekiyapi kin he iś, Wanyaka wo, nihun kin hee ce, eciya. Unkan waonspekiyapi kin he anpetu kin hetanhan iye ti kin ekta aki.

Hehan Jesus ehan ipi, unkan wanna ṭa wanyakapi, heon hu kin kawegapi śni. Tuka akicita wanji wahukeza wan on cuwi kin en capa; unkan we mini ko au.

Hena hecetu, unkan wicowoyake wowapi en kagapi qon iyecetu; Hu kin wanjidan kawegapi kte śni ce. Qa nakun wowapi icinonpa hecen eya; Tuwe paḣdokapi kin he wanyakapi kta.

Unkan Jesus can susbeca kic̣in, qa makoce wan Wicapahu eciyapi, he Hebrew iapi on Golgotha eciyapi, he ekta aya.

Unkan akicita wapepeka wapaha wan kazontapi qa wapaha kiyapi, qa śina to wan in kiyapi.