Versículos bíblicos populares de Johannes 10

Compartir

Wabotice cin he wamanonpi, tin wicaktepi, waihangyapi henakiya on hi ece; tuka wiconi yuhapi kta, qa takudan icakije śni unpi kta e heon miye wahi.

Waawanhdake waśte kin he miye. Waawanhdake waśte kin he taḣinca kin on wiconi tawa eḣpekiya.

Taḣinca mitawa kin miho kin naḣonpi, qa hena sdonwicawakiya, qa mihakam unpi.

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Tiyopa kin he miye; tuwe miye eciyatanhan ti iyoḣpaye cinhan ni kta; qa mahen ye c̣a tankata inanpa eca wato tanyan iyeye kta.

Waawanhdake waśte kin he miye, qa taḣinca mitawa kin hena sdonwicawakiya, qa mitawa kin iś nakun sdonmakiyapi ece.

Ate hena maqu kin he taku owasin sam iyeya tanka; qa Ate nape kin etanhan tuwedan wicayuśpa okihi śni. Miye, qa Atewaye cin unwanjipidan, eya.

Ate token sdonmakiye cin he iyecen miś Ate sdonwakiya; qa taḣinca kin hena on wiconi mitawa kin eḣpewakiya.

Tuwedan he maki kte śni; qa miye cinka he wicawaqu; he amduśtan kte cin owakihi, qa ewehdaku kte cin nakun owakihi; Ate hecen econ maśi ce, eya.

Hehan ake Jesus hewicakiya; Wowicake, wowicake on heciciyapi, Taḣinca tipi tiyopa kin he miye ce.

Tuka tuwe odotapi un, qa waawanhdake kin ee śni, qa taḣinca tawa śni kin he śunktokeca an u wanyaka eca, taḣinca kin eḣpewicaye c̣a najica ece; unkan śunktokeca iyawicaḣpaye c̣a ihangwicaya ece.

Wowicake, wowicake eciyatanhan heciciyapi; Tuwe taḣinca tipi tiyopa ohna tin iyaye śni, tiyopa icunonpa tanhan ti iyoḣpaye cin he wabotice c̣a wamanon kin heca.