Versículos bíblicos populares de YOANA 10

Compartir

Kĩng’ei kĩtyũkaa, ate o kana kyũye, na kũaa, na kwananga: nyie nĩnookie kana methĩwe na thayũ, na ĩngĩ methĩwe naw’o mwingĩ.

Nyie, ninyie mũithi ũla mũseo: mũĩthi mũseo nũnũũwia thayũ wake nthĩ ũndũ wa malondu.

Malondu makwa nĩmew’aa wasya wakwa, nakwa nĩnĩmesĩ, nao nĩmeũmbikĩla

nakwa nĩngũmanenga thayũ ũthathela; na maĩkaa o na ĩndĩĩ, na kũi mũndũ ũkambena kw’okonĩ kwakwa.

Nyie, ninyie mũomo; ũla ũnũũvotela vala nĩĩ, ũsu akatangĩĩwa, na akavota nthĩnĩ na akaumaala, na akoona kya ũya.

Nyie, ninyie mũĩthi ũla mũseo; na ala makwa mwene nĩnĩmesĩ, na nĩmambĩsĩ ala makwa mwene

Asa wakwa, ũla wanengie, nĩ mũnene mbee wa onthe; na kũ mũndũ ũtonya kũmavenana maume kw’okonĩ kwa Asa. Nyie na Asa twĩ ũmwe.

o ũndũ Asa ũmbĩsĩ, nakwa nĩnĩmwĩsĩ Asa; na nĩngwia thayũ wakwa nthĩ ũndũ wa malondu.

Vai mũndũ ũnũũmbena thayũ, ĩndĩ no nyie ngũwia nthĩ. Nĩ na ũkũmũ wa kũwia nthĩ, na nĩ na ũkũmũ wa kũwosa ĩngĩ. Mwĩao ũũ noosie kwa Asa wakwa.

Na ĩndĩ Yesũ amea ĩngĩ, Nĩ w’o, nĩ w’o, nĩngũmwĩa, Nyie, ninyie mũomo wa malondu.

Mũndũ wa ũtuvwa, na tiwe mũĩthĩ, na malondut i make, oona nzũi yũkĩte, nũtiaa malondu, akakĩa, na nzũi ĩkĩmakwata, na ĩkĩmanyaĩĩkya

Nĩ w’o, nĩ w’o, nĩngũmwĩa, Ũla ũtavotelaa mũomonĩ wa vala malondu mekalaa, ĩndĩ aikĩlĩla vangi, ũsu nĩ kĩng’ei na mũvutani.