Versículos bíblicos populares de Mɔl 3

Compartir

Yemɔti mɔɔ raalɛ ne nwunle kɛ baka ne ma ne le kɛnlɛma, na bɛdi a ɔle kpalɛ, na ɔwɔ kɛ sonla di bie na ɔnwu nrɛlɛbɛ la, ɔdele bie ɔlile, na ɔdele bie ɔhɔmanle ɔ hu lile.

Ɛwɔlɛ le mɛlɛbɛla tɛla ɛbɔ nu nane biala mɔɔ Ɛdɛnkɛma Nyamenle bɔle la. Ɔbizale raalɛ ne kɛ, “Yemɔti Nyamenle ɛze bɛ kɛ, ‘Bɛmmadi mbakama mɔɔ wɔ tola ye anu la biala bie’ ɔ?”

Mebava ɛkpɔlɛ meado wɔ nee raalɛ ne, nee ɛ ra nee raalɛ ne ara avinli. Raalɛ ne ara bagelegele ɛ ti na ɛdawɔ wɔaha ɔ gyakɛ anzi.”

Akee ɔzele raalɛ ne kɛ, “Mebamaa wɔade nyane kpalɛ wɔ awolɛ nu; ɛbade nyane wɔ wɔ ralɛ ɛwolɛ nu, noko ɛ nwo balɔ ɛ hu na yeazie wɔ.”

Ɛbahwi ɛ ti anwo na wɔanyia aleɛ wɔali, kɔkpula mekɛ mɔɔ ɛkɛzia ɛkɛhɔ azɛlɛ ye anu bieko la, ɔluakɛ nuhua yɛɛ ɛvi ɛrale a; ɛle ndɛtɛlɛ na ɛbazia wɔahɔ ndɛtɛlɛ nu.”

Na ɔzele Adam kɛ, “Kɛmɔ wɔdie ɛ ye aneɛ na wɔli bakama ne mɔɔ menzele wɔ kɛ ɛmmadi la bie la ati, ɔlua ɛ ti, munzule ɛha azɛlɛ ye; ɛtɛwule a ɛbavɛ na wɔanyia aleɛ wɔali.

Nyamenle bizale ye kɛ, “Nwane a hanle hilele wɔ kɛ ɛlɛ ɛ nwo zɔ a? Ɛnee wɔli bakama ne mɔɔ menduale wɔ kɛ ɛmmadi bie la bie ɔ?”

Ɛdɛnkɛma Nyamenle voanle sonla vile tola ne anu, na ɔvale tease abɔdeɛma nee dadeɛ mɔɔ ɛlɛsɔ na ɔpɛnepɛne ɔ nwo ɛleka biala la ɔrazinzale Yidɛn tola ne aduduleɛ adenle ne mɔɔ kɔ ngoane baka ne anwo la.

Ɛhye anzi, nrenya ne donle ɔ ye duma na ɔvɛlɛle ye Yive, ɔboalekɛ ɔle menli kɔsɔɔti bɛ nli.