Versículos bíblicos populares de Sant Marc 6

Compartir

Éu ié diguè: Venès, escarten-nous en quauque endré desert, e pausas-vous un pau. Car èro talamen grand lou vai-e-vèn dóu mounde qu'avien pas meme lou tèms de manja.

Mai Jèsu ié diguè: N'es sènso ounour, un proufèto, que dins sa patrìo, dins soun oustau e dins sa parentèlo.

En sourtènt de la barco, Jèsu veguè 'n gros mouloun de pople, e n'en aguè pieta, dóumaci èron coume un escabot sènso pastre; e se boutè à lis endóutrina sus forço causo.

E pousquè ges faire de miracle dins l'endré, senoun que gariguè tout just quàuqui malaut en quau impausè li man. S'estounavo de l'incredulita di gènt; e fasié lou tour di vilage d'aperaqui, tout en ensignant.

Jèsu, prenènt li cinq pan e li dous pèis, en alucant vers lou cèu, li benesiguè; pecè pièi li pan e li dounè à si disciple pèr que li pourgiguèsson au pople; partejè tambèn li dous pèis entre tóuti. N'en mangèron tóuti e fuguèron assadoula. E s'empourtè li soubro: douge gourbin plen de tros de pan emai de pèis.