Versículos bíblicos populares de Sant Marc 10

Compartir

Car lou Fiéu de l'ome éu-meme noun es vengu sus l'estiganço d'èstre servi, mai de servi e de douna sa vido pèr la rançoun dóu mounde.

Jèsu, lis alucant, diguè: Pèr lis ome acò 's impoussible, mai noun pèr Diéu, car tout es poussible à Diéu.

Jèsu ié venguè: Vai, que t'a fe t'a sauva. E subran éu ié veguè, e seguissié Jèsu sus lou camin.

Adounc ço que Diéu a joun ensèn, que l'ome noun lou dessepare.

Jèsu, l'aguènt aluca, l'afeciounè e ié diguè: I'a 'no causo que te manco: vai; tout ço qu'as vènde-lou e baio-lou i paure, qu'auras un tresor dins lou cèu; vène pièi e seguisse-me.

E Jèsu, prenènt la paraulo, ié diguè: Dequé vos que te fague? L'avugle ié respoundeguè: Rabboni , que ié vegue.

Acò 's pa 'nsin entre vautre; mai aquéu que voudra èstre lou mai grand, sara voste serviciau

Veramen vous lou dise, qu noun reçaupra lou reiaume de Diéu coume un enfant, i'intrara pas.

Mai n'i'a de bèu que, de proumié, devendran li darrié; e di darrié, forço que saran li proumié.

Mai au coumençamen de la creacioun, Diéu li faguè mascle e femèu. Amor d'acò, l'ome quitara soun paire e sa maire, e s'estacara à sa mouié; E saran dous en uno car. Ansin soun plus dous, mai uno souleto car.