Versículos bíblicos populares de Génesis 3

Compartir

Le co'olelo' tu yilaj qui'ichquelem u yich le che'o', ca j taacchaj u jaantic, u ti'al ca kuchuc yantal u na'at. Bey túuno', tu t'ocaj jun p'éel u yich ca tu jaantaj. Cu dzo'ocole' ca tu dzaj ti' u yíicham, leti' xane' tu jaantaj.

Le caano' asab yaan ca'ach u na'at ti' tuláacal u ba'alche'ilo'ob káax beeta'ano'ob tumen Ku Yuumtzil. Le caano' tu káatchi'itaj ti' le x co'olelo': ¿Bey túuno', Kue' tu ya'alaj te'ex ma' a jaantique'ex u yich mix jun cúul che' yaan tu cúuchil le paakala'?

Teech yéetel le co'olelo' yaan in beetic a p'ecticaba'ex, bey cun j úuchul xan ti' a ch'i'ibal yéetel u ch'i'ibal leti'. U ch'i'ibal leti'e' yaan u quiimbesiquech ta pool, teech xane' yaan a chi'ic u tuncuy.

Ti' le co'olelo' tu ya'alaj: Le quéen yanac a paale' yaan in ya'abcuntic a ki'inamilo'ob, yéetel ki'inamil bíin síijic a paal. Ba'ale' a dzíibolale' leti' cu bin u bisech ti' a wíicham, leti'e' yaan u yantal u áajtalil ta wóokol.

Yaan a náajaltic a wo'och waaj yéetel u kíilcabil a táan jo'ol, tac quéen suunaquech lu'umil, tu yo'olal lu'um beeta'abiqueche', lu'um xan bíin suunaquech.

Ti' le j xiibo' tu ya'alaj: Bey tumen ta wu'uyaj u t'aan a watano' iquil ta jaantilac u yich le che' tin wa'alaj ma' a jaantico', bejela'e' le lu'umo' yaan u mukyajtic loolob t'aan tu yo'olal a si'ipil; yéetel talam meyaj ca bin a beet u dzáic ba'al a jaant tuláacal u kiinilo'ob a cuxtal.

Ca túun j káatchi'ita'ab ti' tumen Ku: ¿Máax a'al teech chacnul a wanil? ¿Dzo'oc wa a jaantic u yich le che' le tin wa'alaj teech ma' a jaantique'?

Le ca j dzo'oc u jóoksic le máaco', tu dzaj tu lakin le u cúuchil paakalo' u cajnáalilo'ob ca'an, yaan tac u xiiko'ob bey xan jun p'éel t'aba'an máascab cu sutul suut ti' tuláacal u tzéelilo'ob u ti'al ma' u cha'ic ca náadzac mix máac ti' u che'il le cuxtalo'.

Le j xiibo', Eva tu dzajilac u kaaba'int u yatan, tumen leti'e' suunaj maamatzil ti' tuláacal wíinic