Versículos bíblicos populares de Zhaŋe 6

Compartir

Ma ke Yɛsə sha hɛ: «'Ya ya kaɗafa ta mpi. Ma yayata wəndə nya kese sha 'ya ne, katezhɛ nda ma kaghala ghala we. Ma yayata wəndə nya keyɛte ɗa ne, katezhɛ nda ndere kaghala ghala we.

Sefəa Shala nde ve nda mpi ke wəndə, slia geva le ghəa ŋkɛ ne, gəmə ŋkɛ. Ghena nyi se nyi 'ya kageze ŋayɛ ne, ghena ta Sefəa Shala hɛ, ghenci mpi.

Menema slene yɛ kezha kemave wəshi kezeme nyi kedaɗə gəmə ma, mene mə slene kezha wəshi kezeme nyi keɗema kadaɗə, nyi kaŋa mpi nya keɗema kakiɗi. Wəzege ta za nde teve ŋayɛ wəshi kezemea shɛ, gheŋkɛ yavate lamba ta berete ta ŋkɛ Shala Yita te.»

Wa nya wəsə nya ɗe Yiteyɛ ɗa nya: yayata wəndə nya kenakɛ Wəzege ba'a nya keyɛte ŋkɛ ne, katekemave mpi nya kaghala ghala. Kambele ŋkɛ 'ya same kwa kwele te kwa keɗaŋe ta hɛ.»

Ma ke Yɛsə sha hɛ: «Ma slene nya ɗe Shala kamene yɛ ne, yɛ mə wəndə nya ghweneke ŋkɛ.»

Katese yayata wəndə nya ndeke ɗa Yiteyɛ ɗa sha 'ya. Kateŋka wəndə nya kese sha 'ya 'ya we.

Ma ke Simon Piyɛre shɛ: «Nde sleke ŋkwa, sha wa lə n'yɛ gɛ? Gha wəndə nya nza ghena ta mpi nya kaghala ghala ve.

'Ya ya kaɗafa nya nza mpi mbe nya kesawa pelɛ ghweme. Yayata wəndə nya kezehwe ɗafa shɛ ne, teghweme tenza ŋkɛ kaghala ghala. Ɗafa nya teve ŋayɛ 'ya ne, gheŋkɛ slia geva ta ɗa, kave nda ŋkɛ 'ya ke mbeli kezha kemave mpi mbeli.»

Wəndə shɛ kase sha 'ya keɗema Yiteyɛ ɗa nya keghweneke ɗa kentseheke ŋkɛ we. Ama 'ya ne, katekele yayata wəndə nya kese sha 'ya 'ya same kwa kwele te veci nya kiɗi hɛɗi.

Ma ɗafa nya kese va Shala, nya kesawa pelɛ ghweme ne, gheŋkɛ nde ve nda mpi ke pɛtɛa mbeli nyi te hɛɗi.»

'Ya ya kaɗafa ta mpi.

Pa Yɛsə kelete ɗafa, kwa tsate nda ŋ'wese ŋkɛ ke Shala ne, pa nehave nda ke mbeli nyi mentishɛ tagha. Tsagha neheve nda kelepe ŋkɛ ke hɛ perə, kala nya ɗe hɛ. Ma kwa zehwe hɛ behe behe ne, ma ke Yɛsə sha mbeli nyi ketəkwə təkwə: «Tsenete mə kwetiɓəa ɗafa nyi ketene yagha wəsə kaza.»

Mcɛfe keɗema ŋkwaŋe kilemɛtre menete hɛ nda nakɛ Yɛsə hɛ kadzeghwa te yɛmə kase sha kwambeləa nci. Tagha gɛ, ntake hɛ kaghazlənə. Ma ke Yɛsə sha hɛ: «'Ya ŋkɛ, ghazlənəma yɛ ma.»