Versículos bíblicos populares de Jn 7

Compartir

Ŋwaale-Feyine suuy ge: Naa ndɛ wɛ əb foon ɛytem se mɛ lu nɛ moo mɛ əm foon ɛychii nɛ̂y lun ɛ wen ə ɛytem è yɛ lɛŋ.

Nɛy se lu ɛ kechii kenləysen kɛ nè luun kechii ketaa kɛ ɛ́ nè mɛysen ɛyyiɛ kechii keghakene kii, Jesus teem ɛ ghele məm è suuy ɛ giɛ ɛytaa ge: Naa ndɛ wɛ kendoŋe moo yumen wen, gwiy se mɛ è nəə.

Jesus nè suuy kine kum Keyioy ə Feyin kɛ ghel ghɛ ɛ́ nè foon ɛytem se wen nè nɛ̂y se kiile. Nè lu əbliy fo nɛ Feyine nè bɛɛy ghàà fo Keyioy ə wen se ghele bek ka əb nè bɛɛy ghàà lose Jesus se wen əbghaake.

Ghàà ghɛn yɛ loo sake nsak ghɛn yɛ kiynen kɛn kenəə ɛbɛy ɛbɛy. Ghɛn yɛ sake ɛ titiy kiynen kenəə ten kejim.

Wel wɛ əb suuyen kenəə ɛ wen əbtaawe kɛŋe ge ghele yɛ bente yi, dî nɛ wel wɛ əb kɛŋen ge ghele yɛ bente nɛ lu vi wɛ əb tumen yi lu wel əbluuy, nɛ əbbuame wiy ɛ wene məm.

Jesus me suuy se ghene ge: Əbnəə wɛ mɛ dinten se ghɛn báà se lu wome, əb lóò se Feyine wɛ əb nè tumen mɛ.

Ghele ghɛ mbi báà se bane ghɛn dî bane mɛ bek ka mɛ suuyen se ghene əbliy əbjim ge jiise ghene báà jof.