Versículos bíblicos populares de Jn 5

Compartir

Mɛ suuye əbluuy se ghɛn ge naa ndɛ wɛ əb yion giɛ ə som, è fo ɛytem se vi wɛ əb nè tumen mɛ, se ki ɛychii yɛ ɛy jia yî mɛy. Ɛ́ jia bo yî sak wen. Əb boymen se ɛykuo è se ki ɛychii.

Jesus yɛn ka əb nyiŋen fo ɛ leghɛ, è keele ge əb yafmen se əbtəm əbdia, è me bif se wen ge: Lɛ lòó wɛ̀ yɛ koŋ se bonen-a?

Ghɛne yiɛke ŋwaale-Feyin naa ketaan kwaate ge lu ɛyghen yɛ lòó ɛy nɛɛy é ghɛn kiile ɛychii yɛ ɛy jia yî mɛy. Ŋwaale nɛ̂ yin dì suŋnene kum mɛ. Ghɛne cheme jia se lu se gwiy se mɛ se kiile ɛychii yɛ ɛy jia yî mɛy.

Jesus me suuy se wen ge: Loole se ɛyyio, è liɛ fegham ə fiɛ è yɛ jɛl. Wele ten me bonen kɛn se əbliy, è kaale fegham ə wen è se jɛle. Kenəə kin nè gan ɛ kechii ɛybam.

Jesus me suuy se ghene ge: Mɛ suuy əbluuy se ghɛn ge, lòó wan jia nɛɛy kenəə se wene ngeŋ. Əb lóó əb yɛ nɛɛy nɛ lu kɛn kenəə kɛ əb yɛnen nɛ ba ə wen nɛɛye, bek ge naa ghɛ kɛ Baye nɛɛyen lu keghene kɛ wane nɛɛyen.